راهێنهرێ ریال مهدرید ل دۆر هندهك نووچهیێن میدیایێ هاته دهنگ
گاڤ
راهێنهرێ یانهیا ریال مهدرید سنوورهك بۆ هندهك نووچهیێن میدیایێ دانا و راگههاند كو ئهو ل وهرزێ بهێت دێ مینیت وهك راهێنهرێ ریال مهدرید.
ژمارهیهكا نووچهیان بهلاڤببوون كو كارلۆ ئهنچێلۆتى راهێنهرى ئیتالی یێ یانهیا ریال مهدرید بهربژارێ ژماره ئێكه كو ببیته راهێنهرێ ههلبژارتیێ بهرازیلێ.
كارلۆ ئهنچێلۆتى ئهڤرۆ ئهینیێ راگههاند؛ بێگۆمان دێ بۆ وهرزێ بهێت مینم وهك راهێنهرێ ریال مهدرید.
دیار ژى كر كو ئهو دێ رێزێ ل گرێبهستا خۆ ل گهل یانهیا ئسپانى گریت و گۆت ژى "فلورێنتینۆ پێرێز سهرۆكێ یانهیێ دخوازیت ئهز ل ڤێرێ بمینم".
گرێبهستا ئهنچێلۆتى ل گهل ریال مهدرید تا دویماهیا وهرزێ بهێت 2023-2024 بهردهوامه.
ریال مهدرید د نوكه دا ل رێزا دوێ د لالیگایێ دا ب جوداهیا 13 خالان ژ بهرشلۆنا سهركێشا خۆلێ دهێت، لێ د خۆلا چامپیۆنز لیگ دا، ریال گاڤهك بهرهڤ قووناغا بهرى دویماهیێ هاڤێت پشتى ل چارشهمبیا بۆرى د یاریا چوونێ ژ قووناغا چارێك دویماهیێ دا ب 2-0 سهركهفتن ل سهر چێلسى تۆماركرى.