ریال مهدرید ل دۆر نههـ یاریكهرێن خۆ بڕیارێ ددهت
گاڤ
راپۆرتهكا میدیایى یا ئسپانى ئاماژه دایه وێ چهندێ كو یانهیا ریال مهدرید بڕیار دایه دهستان ژ سێ یاریكهرێن خۆ بهردهت و گرێبهستێن سێ یاریكهرێن دى درێژ بكهت.
پشتى دهركهفتنا ریال مهدرید ژ چامپیۆنز لیگێ و شكهستنا وێ د بدهستڤهئینانا خۆلا ئسپانیا دا، یانه بزاڤان دكهت دهستان ژ هندهك یاریكهران بهردهت و هندهك یاریكهرێن دى بكڕیت.
رۆژنامهیا موندۆ دێپۆرتیڤۆ بهلاڤكریه؛ یانهیا ریال مهدرید دێ گرێبهستێن ههر ئێك ژ كهریم بێنزێما، لۆكا مودرێچ و تۆنى كرۆسى درێژ كهت و دێ بهردهوام بن ل گهل یانهیێ.
ئاماژه دایه وێ چهندێ ژى كو یانهیێ لیستهك ب ناڤێ یاریكهرێن كو دێ دهستان ژێ بهردهت بهرههڤكریه و ژ ڤان شهش یاریكهران پێكدهێت: ئیدین هازارد، ماریانۆ دیاز، ئهندرێ لۆنین، ئهلڤارۆ ئودریوزۆلا، خێسۆس ڤایێخۆ و فێرلاند مێندى.
فلۆرێنتۆ پێرێز سهرۆكێ یانهیێ و كارلۆ ئهنچێلۆتى راهێنهرێ وێ ل دویماهیا حهفتیا بۆرى كۆمببوون و تێدا بڕیارا بهردهوامیا ئهنچێلۆتى د ئهركێ وى دا ههروهسا كڕینا هندهك یاریكهرێن نوى دابوون.