زێر و پهترۆل گران بوون
گاڤ
ئهڤرۆ چارشهمبێ بهایێ زێڕى بلند بوو، گههشته 1976 دۆلاران، پهترۆل ژى ئێك دۆلار چوویه سهر ههر بهرمیلهكێ و ههر دو بها جێگیر بووینه.
ئهڤرۆ چارشهمبێ 24-5-2023یێ ل گهل ڤهكرنا دهرگههێن بازارى، بهایێ زێڕى و پهترۆلێ بلند بوون، زێڕ گههشته 1976 دۆلاران پشتى ل رۆژێن بۆرى ب 1954 دۆلاران بها تۆماركرى، ههڤدهم ههر بهرمیلهكا پهترۆلێ ژى ئێك دۆلار چوویه سهر.
بلندبوونا بایێ زێڕى ههڤدهمى دانوستاندنێن كۆمارى و دیموكراتێن ئهمریكایه ل سهر ئاستێ رێپێدایى یێ قهران كو د دانوستاندنێن بهردهوام دانه و هێشتا چ رێككهفتن د ڤى وارى دا نههاتینه كرن.
ئیدوارد مۆیا، شیرهتكارێ كۆمپانیا ئۆاندا دبێژیت: بلندبوونا بهایێ پهترۆلێ پشتى وێ یهكی دهێت وهزیرێ تێهنا سعوودیێ هۆشدارى داینه وانه كهسان یێن بههانهیان ل سهر دابهزینا پهترۆلێ دگرن.