ریال مهدرید ئێكهم ههڤبهستا خۆ یا هاڤینێ ل گهل یاریكهرهكى ب 103 ملیۆن یورۆیان ئێكلاكر
گاڤ
یانهیا ریال مهدرید یا ئسپانى ئێكهم ههڤبهستا خۆ یا مێركاتۆیا هاڤینێ ل گهل یاریكهرهكێ یانهیا برۆسیا دۆرتمۆند ب بهایێ 103 ملیۆن یورۆیان ئێكلاكر.
یانهیا برۆسیا دۆرتمۆند یا ئهلمانى ئهڤرۆ چارشهمبیێ راگههاند كو ئهو گههشتنه رێككهفتنێ ل گهل ریال مهدرید بۆ ڤهگوهاستنا جود بێلینگهام یاریكهرێ ئنگلیزى یێ 19 سالى بۆ دناڤ رێزێن ریال مهدرید دا.
ئاشكرا ژى كریه كو بهایێ ههڤبهستێ 103 ملیۆن یۆرۆ (107 ملیۆن دۆلار)ن كو دێ گههنه یانهیا ئهلمانى.
یانهیا ریال مهدرید ژ بهرى نوكه دهركهفتنا ژمارهیهكا یاریكهران ژ یانهیێ راگههاند بوو كو ئهڤهنه: كهریم بێنزێما، ئیدین هازارد، ماركۆ ئهسێنسیۆ و ماریانۆ دیاز.
ههڤبهستا بێلینگهامى ب ئێكهم ههڤبهستا یانهیا شاهانه د ڤێ مێركاتۆیێ دا دهێته هژمارتن و یانهیێ پلان بۆ ژمارهیهكا ههڤبهستێن دى ژى داناینه ب تایبهت ل گهل بناڤسالڤهچوونا لوكا مودرێچ و تۆنى كرۆز یاریكهرێن هێلا ناڤهراست.