مێسى ب فهرمى چوونا خۆ بۆ دناڤ رێزێن ئینتر مایامى دا راگههاند
گاڤ
لیونێل مێسى ستێرا ئهرجهنتینى ئهڤرۆ چارشهمبیێ ب فهرمى چوونا خۆ بۆ دناڤ رێزێن یانهیا ئینتر مایامى یا ئهمریكى دا پشتى ب دویماهیك هاتنا گرێبهستا وى ل گهل پاریس سان جێرمان راگههاند.
مێسى بۆ رۆژنامهیا سپۆرت یا ئسپانى راگههاند "من بڕیار دا بچمه دناڤ رێزێن ئینتر مایامى دا، دێ كاروانێ خۆ یێ وهرزشى ل وێرێ بهردهوام كهم".
ديار ژى كر؛ ئۆفهرهك بۆ من ژ یانهیهكا ئهورۆپى هاتبوو لێ من هزر تێدا نهكر، هزرا من یا ئێكانه د یاریكرنێ دا ل ئهورۆپا ئهو بوو بۆ یانهیا بهرشلۆنا یاریێ بكهم، پشتى من زانى كو ڤهگهڕیان یا ب زهحمهته، دهمێ چوونێ بۆ ئهمریكا هات.
ل گۆرهى وێ رۆژنامهیێ، مێسى بۆ دهمێ چار وهرزان دێ یاریێ بۆ ئینتر مایامى كهت.
یانهیا هیلال یا سعوودى ژ بهرى نوكه ئۆفهرهكا مهزن ب مووچهیێ 400 ملیۆن یۆرۆیان سالانه پێشكێشى مێسى كربوو ههروهسا یانهیا بهرشلۆنا بزاڤێن ڤهگهڕاندنا وى دناڤ رێزێن یانهیێ دا كربوو، لێ مێسى بڕیارا خۆ یا ئێكلاكهر دا.