نوشدار هوشداريێ ژ هندهك مهعجوونێن سپيكرنا ددانان ددهن
گاڤ نيوز
ژمارهيهكا نوشداران راگههاندن كو بكارئينانا هندهك مهعجوونێن تايبهت ب سپيكرنا ددانان ’نهك يێن پاقژكرنا وان’ زيانێن خۆ ههنه و كارتێكرنا وان بۆ سپيكرنا ددانان سنوورداره.
ههردو پزيشك ئانا شاراندا و مهكسيم كوپيلۆڤ ژ سهنتهرێ Perfect Smile يێ نوشداريا جوانكاريا ددانان راگههاندن؛ هندهك جۆرێن مهعجوونێن ددانان كو بهرههمهێنهر دبێژن كو ددانان سپى دكهن، د راستى دا ئهڤ كارتێكرنه نينن و زيانێ دگههيننه مينايا ددانان.
ل گۆرهى نوشدار شاراندا؛ بۆياغا بهرپرس ژ رهنگێ ددانان ناكهڤيته سهر روويێ ژ دهرڤه يێ ددانان بهلكو دكهڤيته دناڤ تۆرا بهلورى يا ددانان دا.
ديار ژى كر؛ مهزنترين كارێ ئهڤ مهعجوونێن سپيكرنێ دكهن ئهوه كو ب ئاوايهكێ كێم مينايا ددانان سپى دكهن ئهو ژى ل بن كارتێكرنا ئوكسجينا كارا و ژناڤبرنا پاشمايێن جيرى يێن ل سهر ددانان كۆمڤهبووين، ئانكۆ ئهنجامهكێ ڤهبڕ نادهن.
دكتۆر كوپيلۆڤ ژى ل دۆر ڤێ چهندێ ديار دكهت؛ رهنگه ئهو كهسێن گهلهك مهعجوونێن سپيكهرێن ددانان بكاردئينن تووشى زێدهبوونا ههستياريا ددانان، ئێشانا وان و تێكچوونا مينا يا ددانان ببن، لهوا شيرهت ئهوه دناڤبهرا دهم بۆ دهمى دا بهێنه بكارئينان.