راهێنهرێ ریال مهدرید بزاڤێن ڤهگوهاستنا هێرشبهرهكێ یانهیا یۆڤێنتۆس بۆ یانهیێ دكهت
گاڤ
راهێنهرێ ریال مهدرید پهیوهندیهكا تهلهفۆنى ل گهل هێرشبهرهكێ یانهیا یۆڤێنتۆس بۆ رازیكرنا وى بۆ یاریكرنێ بۆ یانهیا ئسپانى ئهنجامدا.
رۆژنامهیا توتو سپۆرت و تۆڕا سكاى سپۆرت یێن ئیتالى ئاماژه داینه گرنگیپێدانا كارلۆ ئهنچێلۆتى راهێنهرێ ریال مهدرید ب ڤهگوهاستنا دوشان ڤلاهوڤیچ هێرشبهرێ یوڤێنتۆس یا ئیتالى بۆ ناڤ رێزێن یانهیا ئسپانى، دا كو جهێ كهریم بێنزێماى ئهوێ بهرهڤ خۆلا سعوودیه ڤه چووى بگریت.
توتو سپۆرت ئهڤرۆ ئهینیێ بهلاڤكریه "ئهنچێلۆتى پهیوهندیهكا تهلهفۆنى ل گهل دوشان ڤلاهوڤیچ ئهنجامدا، لێ تا نوكه ریال مهدرید ب فهرمى چ ئۆفهر پێشكێشى یۆڤێنتۆس نهكرینه".
يانهیا یۆڤێنتۆس بهرى نوكه دیاركربوو كو ئهو یا بهرههڤه ڤلاهوڤیچى بهرانبهر 80 تا 90 ملیۆن یۆرۆیان بفرۆشیت.
یوڤێنتۆس ل ژڤانێ پێشكێشكرنا ئۆفهرا فهرمى یه ژ لایێ یانهیا ریال مهدرید ڤه بۆ كڕینا ڤلاهوڤیچى، دا كو یانهیا ئیتالى شیانێن دارایى ههبن كو بشێت رۆمێلۆ لۆكاكۆ هێرشبهرێ چێلسى بكڕیت.
ڤلاهوڤیچ ل زڤستانا سالا 2022 هاتبوو دناڤ رێزێن یۆڤێنتۆس دا و شیایه 23 گۆلان د 63 یاریان دا بۆ یانهیێ تۆمار بكهت.