گاڤ
فه‌رمانگه‌ها كۆچا سوێدێ راگه‌هاند، وان ده‌ست ب دانوستاندن و لێكۆلینان كرى یه‌، بۆ وه‌ر‌گرتنا مافێ په‌نابه‌ریێ ژ سه‌لوان مومیكا و دیاركرى یه‌، مومیكاى وه‌كو كه‌سه‌كێ بێ دینێ د ئه‌سل دا مه‌سیحى نیشاندایه‌.
جێسپەر تەنگرۆس، په‌یڤدارێ فه‌رمانگه‌ها كۆچا سوێدى  د كۆنگره‌یه‌كێ رۆژنامه‌ڤانى دا راگه‌هاند، وان زانیاریێن تمام ل دۆر كه‌ساتیا سه‌لوان مومیكاى ئه‌و كه‌سێ قورئان ل به‌ر ده‌رگه‌هێ بالیۆزخانه‌یا سوێدێ سۆتى كۆمكرینه‌ و لێكۆلینێ ل دۆر وه‌رگرتنا مافێ په‌نابه‌ریێ ژ وى كه‌سى دكه‌ن.
ئاماژه‌ ب وێ ئێكێ ژى دا هژماره‌كا كه‌س و گرۆپان داخوازنامه‌ پێشكێشى حكومه‌تا سوێدێ كرینه‌ و سكالا ل مومیكاى كرینه‌ داكو مافێ مانا ل سوێدێ ژێ بهێته‌ وه‌رگرتن.