فاو: بهایێن كهرهستهیێن خوارنێ ل جیهانێ بۆ ههیڤا دوێ ل دویڤ ئێك بلند بووینه
گاڤ
رێكخراوا خۆراك و چاندنێ یا گرێداى نهتهوهیێن ئێكگرتى راگههاند؛ بهایێن كهرهستهیێن خوارنێ ل جیهانێ بۆ ههیڤا دوێ ل دویڤ ئێك بلند بووینه.
بهایێن كهرهستهیێن خوارنێ ل جیهانێ د ههیڤا شوباتا بۆرى دا گههشتبوونه نزمترین ئاست د دهمێ سێ سالان دا، لێ ل ههیڤا ئادارا بۆرى جارهكا دى بها بلند ببوون و ل ههیڤا نیسانێ پتر بلند بووینه.
فاو FAO ئهڤرۆ ئهینییێ راگههاند "هێمایێ كهرهستهیێن خوارنێ ل ههیڤا نیسانێ یا بۆرى بۆ ههیڤا دوێ ل دویڤ ئێك بلند بوویه".
ئاشكرا ژى كر "هێمایێ بهایێ كهرهستهیێن خوارنێ ل جیهانێ د ههیڤا نیسانێ دا وهك تێكرا 119.1 خال بوون، ئانكۆ ب رێژهیا 0.3% ل سهر بنیاتهكێ ههیڤانه ب ههڤبهركرن ل گهل ههیڤا ئادارێ بلند بوویه".
دیار ژى كر "سهرهراى نزمبوونا بهایێن شهكرێ و بهرههمێن سپیاتییان، لێ بهایێن بهرههمێن گوشتى و زهیتێن رووهكى و دانهوێلهیان بلند بووینه".
سهرهراى ڤێ چهندێ، بهایێن كهرهستهیێن خوارنێ ل ههیڤا نیسانا بۆرى ل سهر بنیاتهكێ سالانه و ب ههڤبهركرن ل گهل ههیڤا نیسانێ یا سالا 2023 ب رێژهیا 7.4% كێمبووینه.