حكومهت دێ 300 جۆرێن دهرمانان كڕیت
11/15/2022 - 23:10
گاڤ
بریكارێ وهزارهتا ساخلهمیا ههرێمێ راگههاند، دپلانا حكومهتێ دایه نێزیكى 300 جۆرێن دهرمانان بكڕیت و رهوشا دهرمانان كونترۆل بكهت.
د. ڕەھێڵ فەرەیدون، بریكارێ وهزارهتا ساخلهمیا ههرێما كوردستانێ بۆ مالپهرێ فهرمیێ پارتى دا زانین، ب مهرهما رێكخستنا كهرتێ دهرمانان، حكومهتا ههرێمێ پلان ههیه بازارێ دهرمانان باشتر كونترۆل بكهت و حكومهت ب خۆ گهلهك جورێن دهرمانان بكریت.
فهرهیدۆن دا زانین ژى، پشتى سالهكا كاركرنێ و كۆمبوونان دگهل رێڤهبهرێن گشتى، بڕیار هاتیه دان حكومهت ب خۆ نێزیكى 300 جورێن دهرمانان بكریت و پتریا وان دهرمانێن نهخۆشیێن دۆمدرێژن. لی هیشتا بڕیارا دویماهێ ل دۆر پرۆسهیێ نههاتیه دان. دیاركر ژى دێ كرینا دهرمانان دێ ب رێكا تهندهران بیت.