یوێفایێ گوهۆڕینهكا نوى بۆ جاما ئهورۆبا راگههاند
گاڤ
ئێكهتییا تهپاپێى یا ئهورۆپى راگههاند؛ ههر ههلبژارتییهكێ پشكدار د جاما ئهورۆپا 2024 دا دشێت 26 یاریكهران بۆ پشكدارییێ د یاریێن قارهمانییێ دا گازى بكهت.
یوێفایێ د بهیانهكێ دا ئهڤرۆ ئهینیێ راگههاند "ژمارهیا یاریكهرێن ههر ههلبژارتییهكێ د یۆرۆیا 2024 دا ژ 23 یاریكهران بۆ 26 یاریكهران هاته زێدهكرن".
ئاشكرا ژى كر "تیمێن پشكدار د قارهمانییێ دا پێدڤییه ههتا 7ى خزیرانێ لیستا یاریكهران كو ژ 23 ههتا 26 یاریكهران پێكبهێت، پێشكێش بكهن".
یۆرۆیا 2024 دێ ل ئهلمانیا هێته كرن و ل رۆژا 14/6/2024 دێ ئاههنگا دهستپێكرنا قارهمانییێ و یارییا دهستپێكێ ل یاریگهها ئهلیانز ئهرێنا ل باژێڕێ میۆنشن هێته كرن.
قارهمانى ب پشكدارییا 24 ههلبژارتییان دێ برێڤهچیت كو دێ ل سهر 6 كۆمان هێنه دابهشكرن و ههر كۆمهكێ دێ 4 ههلبژارتی تێدا بن.
خۆدانێن رێزێن ئێكێ و دوێ ژ ههر كۆمهكێ، زێدهبارى 4 باشترین تیمێن رێزا سیێ د كۆمێن خۆ دا بدهستڤهئیناین، دێ دهرباز بنه قووناغا 16 ژ قارهمانییێ.
د یۆرۆیا 2020 دا ژى كو ل سالا ل هاڤینا سالا 2021 هاتبوو كرن، ژ بهر بهلاڤبوونا پهژیكا كۆرۆنایێ رێك ب ههلبژارتییان هاتبوو دان تا 26 یاریكهران بۆ قارهمانییێ گازى بكهن، لێ ژ بۆ یارییان، ههر ههلبژارتییهكێ ماف ههبوو ب تنێ 23 یاریكهران بۆ لیستا یارییێ ژێبگریت، لێ ل گۆرهى بڕیارا نوى یا ئهڤرۆ، ههر ههلبژارتییهك دشێت 26 یاریكهران بۆ لیستا ههر یارییهكێ دهستنیشان بكهت.