گاڤ

سیر ب ئێك ژ گرنگترین خوارنان بۆ پاراستنا ساخله‌مییا مرۆڤى دهێته‌ هژمارتن و یا پڕه‌ ژ پێكهاته‌یێن خۆراكى یێن گرنگ و فایبه‌ران و مرۆڤى ژ ژماره‌یه‌كا نه‌خۆشییان دپارێزیت.

ل گۆره‌ى لێكۆلینێن به‌رى نوكه‌، سیر رێگرییێ ل تووشبوونێ ب په‌نجه‌شێرێ دكه‌ت هه‌روه‌سا رێگیرییێ ل بلندبوونا ئاستێن كولیسترۆلێ و تووشبوونێ ب جه‌لته‌یان دكه‌ت، هه‌روه‌سا ساخله‌مییا دلى دپارێزیت و به‌رگرییا له‌شى ب هێز دكه‌ت.

مالپه‌رێ WIO News پێنج مفایێن خوارنا سیرێ یێن ب رێكا زانستى هاتینه‌ سه‌لماندن دیاركرینه‌ و راگه‌هاندیه‌ كو خوارنا پرته‌كا سیرێ ل شه‌ڤێ ئه‌ڤ مفایه‌ هه‌نه‌:

1. بهێزكرنا به‌رگرییا له‌شى: ژ به‌ر هه‌بوونا پێكهاته‌یێن ئه‌لیسین تێدا، سیر كۆئه‌ندامێ به‌رگرییێ یێ له‌شى ب هێز دكه‌ت.

2. پاراستن ژ نه‌خۆشییێن دومدرێژ: سیر مه‌ترسییا تووشبوونێ ب نه‌خۆشیێن دومدرێژ كێم دكه‌ت.

3. پاراستنا مرۆڤى ژ هه‌ودانان: سیرێ هنده‌ك پێكهاته‌ تێدا هه‌نه‌ كو ساخله‌تێن دژه‌ هه‌ودانان تێدا هه‌نه‌.

4. ده‌رئێخستنا ژه‌هران ژ له‌شى: سیر بۆ ده‌رئێخستنا ژه‌هران ژ له‌شى و باشتركرنا ساخله‌مییا گشتى هاریكاره‌.

5. باشتكرنا كوالێتییا نڤستنێ: خوارنا سیرێ ل شه‌ڤێ كوالێتییا نڤستنێ باشتر دكه‌ت و كارتێكرنێن ئارامكه‌ر بۆ له‌شى هه‌نه‌.