"جارهكا دى زمانێ كوردى د نڤيسارێن رێڤهبهريا ساخلهميێ يا كهركووكێ دا هاته بكارئينان"
گاڤ نيوز
دهستهيا گشتى يا دهڤهرێن كوردستانى يێن دهرڤهى ئيدارهيا ههرێمێ راگههاند كو جارهكا دى زمانێ كوردى د نڤيسارێن فهرمى يێن رێڤهبهريا ساخلهميێ يا كهركووكێ دا هاته بكارئينان.
د بهيانهكا دهستهيێ دا هاتيه؛ پشتى لادانا زمانێ كوردى ژ نڤيسارێن رێڤهبهريا ساخلهميێ يا كهركووكێ، مه وهك دهستهيا گشتى يا دهڤهرێن كوردستانى يێن دهرڤهى ئيدارهيا ههرێمێ پهيوهندى ب ههمى فراكسيۆنێن كوردى ل بهغدا و ب ههمى لايهنێن شولهژێ ل دۆر ڤى كارێ نهدهستوورى كر.
تێدا هاتيه ژى؛ پشتى بزاڤێن فراكسيۆنێن كوردى و رازيبوونا حكومهتا ئيراقێ يا نوى، وهزارهتا ساخلهميێ بڕيار دا دوباره زمانێ كوردى بۆ نڤيسارێن فهرمى يێن رێڤهبهريا ساخلهميێ يا كهركووكێ بهێته زێدهكرن وهكى د ماددهيا 4 ژ دهستوورى دا هاتى.
د بهيانێ دا هاتيه ژى؛ ئهڤ راستڤهكرنه دهستپێكهكا باشه بۆ چارهسهركرنا ئاريشهيێن دى و سوپاسيا وهزارهتا ساخلهميێ يا ئيراقێ دكهين كو دهستوور كريه بنياتێ چارهسهركرنا ئاريشهيان.