هۆله‌ندا ژ وه‌لاتیێن خۆ خواست بله‌ز ژ ئیراقێ ده‌ربكه‌ڤن "ئه‌گه‌ر مانا هه‌وه گرنگ بیت هه‌رنه هه‌رێما كوردستانێ"
بەلاڤ بکە
گاڤ
وه‌زاره‌تا ده‌رڤه‌یا هۆله‌ندا راگه‌هاند: دبیت ژبه‌ر ره‌وشا غه‌ززه ره‌وشا ئیراقێ ژى ژ نشكه‌كێڤه تێكبچیت و ژ وه‌لاتیێن خۆ خواست بله‌ز ژ ئیراقێ ده‌ربكه‌ڤن.
وه‌زاره‌تا ده‌رڤه‌یا هۆله‌ندا د په‌یامه‌كێ دا راگه‌هاند، ژبه‌ر رویدانێن غەز‌زه خۆنیشادان ل باژێرێن سه‌ره‌كى یێن ئیراقێ دهێنه كرن و دبیت خه‌لك و ئالێن رۆژئاڤا ببنه ئارمانج، هه‌روه‌سا دبیت ره‌وشا ئیراقێ ژی ژ نشكه‌كێڤه تێكبچیت، ژبه‌ر ڤێ ئێكێ ژ وه‌لاتیێن هۆله‌ندى خواست بله‌ز ئیراقێ بجهـ بهێلن.
وه‌زاره‌تا ده‌رڤه‌یا هۆله‌ندا ژبلى هه‌رێما كوردستانێ ناوچه‌یێن دى یێن ئیراقێ وه‌ك زۆنا سۆر دیاركرینه و ژ وه‌لاتیێن خۆ خواستیه ژ وان ناوچه‌یێن هاتینه سۆركرن ده‌ربكه‌ڤن و ئه‌گه‌ر مانا وان ل ئیراقێ گه‌له‌ك پێدڤى بوو قه‌ستا ناوچه‌یێن پرته‌قالى واته هه‌رێما كوردستانێ بكه‌ن.
ل هه‌فتیا بۆرى ئه‌مریكا و كه‌نه‌دا ژى ژ وه‌لاتیێن خۆ خواستبوو، سه‌ره‌دانا ئیراقێ نه‌كه‌ن و ئه‌وێن ل ئیراقێ ژى بله‌ز وى وه‌لاتى بجهـ بهێلن.
