مسرێ ئه‌ڤرۆ دوشه‌مبیێ دانا ڤیزه‌یا گه‌شتیارى یا پێنج سالى بۆ وه‌لاتیێن ئیراقى و ژماره‌یه‌كا وه‌لاتێن دى راگه‌هاند.

سه‌رۆكێ ئه‌مریكا ژبه‌ر بارۆفه‌یێن ویلایه‌تا میسیسیپى ل ئه‌مریكا ره‌وشا نه‌ئاسایى راگه‌هاند و ئاشكراكر، تا نوكه‌ 26 كه‌سان ژیانا خۆ ژ ده‌ست دایه‌.

ژێده‌رێن نوچه‌یان باس ل ئه‌نجامدانا كۆمبوونا چارقۆلیا وه‌زیرێن ده‌رڤه‌ یێن سووریاـ تركیا، ئیرانێ و رۆسیا ل مۆسكۆیێ دكه‌ن كو تا نها ژبه‌ر مه‌رجێن گرانێن سوریێ ئه‌و كۆمبوون نه‌هاتیه‌ كرن.

وه‌زاره‌تا ده‌رڤه‌یا ئیرانێ راگه‌هاند، وه‌زیرێن ده‌رڤه‌ یێن ئیرانی و سعوودیێ بۆ جارا دووێ په‌یوه‌ندیه‌كا ته‌له‌فۆنى ئه‌نجامدان و بریاره‌ ژى هه‌ردو وه‌زیر د مه‌ها ره‌مه‌زانێ دا كۆم ببن.

جڤاتا ئاسایشا نیشتیمانى یا كوچكا سپى یا ئه‌مریكى راگه‌هاند، هێزێن ئه‌مریكا دێ ل سووریێ مینن و ئه‌مریكا ب ده‌نگه‌كێ بلند به‌رانبه‌رێن خۆ ئاگه‌هداركرینه‌.

سه‌نته‌رێ چاڤدێریا ئه‌رهه‌ژان یێ سووریا راگه‌هاند، د هه‌یاما 24 ده‌مژمێرێن بۆرى دا 27 ئه‌ردهه‌ژان ل سووریا دایه‌ و تا نوكه‌ چ زیان دیار نینن.