گاڤ

ئەڤرۆ سێ هەڤپەیمانییێن سونی پشتەڤانییا خۆ بۆ هەلویستێ چارچووڤەیێ هەماهەنگییێ یێ هەلبژارتنا سەرۆکێ پەرلەمانی د حەفتییەکێ دا دیارکر و داخواز کر ب زویترین دەم ئەو بابەتە بهێتە چارەکرن.

هەرسێ هەڤپەیمانییێن سیادە، عەزم و حەسم وەتەنی د بەیانەکێ دا راگەهاند؛ دیارکرنا سەرۆکێ نوی یێ پەرلەمانێ ئیراقێ گاڤەکا ئێکلاکەر و گرنگە ژبۆ سەقامگیرییا سیاسی و سازییێن وەلاتی، هوشداری ژی دا ژ گیروبوونا وێ پرۆسێ کو دێ بیتە ئەگەرێ راگرتنا کارێ پەرلەمانی.

هەرسێ هەڤپەیمانییان داخواز ژ پەرلەمانی کر لەزێ د کۆمبوونا هەلبژارتنا سەرۆکێ پەرلەمانی دا بکەن و ژبەر هەر ئەگەرەکێ هەبیت نەهێتە گیروکرن.