لێكۆلینه‌ك: ئه‌نجامدانا چالاكیێن جه‌سته‌یى مرۆڤى ژ ژماره‌یه‌كا نه‌خۆشییان دپارێزیت
بەلاڤ بکە
گاڤ
لێكۆلینه‌كا ساخله‌مییێ یا نوى ئاشكرا كریه؛ ئه‌نجامدانا چالاكیێن جه‌سته‌یى مرۆڤى ژ ژماره‌یه‌كا نه‌خۆشییان وه‌كى په‌نجه‌شێر، نه‌خۆشیێن دلى، جه‌لته‌یا مێشكى و نه‌خۆشییا شه‌كرێ دپارێزێت.
لێكۆلینه‌كا زانایێن زانكۆیا ئێكسته‌ر یا بریتانى كو د كۆڤارا ئینڤایرۆمێنت ئینترنه‌شیۆنال دا به‌لاڤبوویه، ئاشكرا كریه "ئه‌نجامدانا چالاكیێن وه‌رزشى دناڤ سرۆشتى دا مه‌ترسییا تووشبوونێ ب ژماره‌یه‌كا نه‌خۆشییان وه‌كى په‌نجه‌شێر، نه‌خۆشیێن دلى، نه‌خۆشییا شه‌كرێ و جه‌لته‌یا مێشكى كێم دكه‌ت".
د لێكۆلینێ دا داتایێن 47 هزار كه‌سان هاتبوونه وه‌رگرتن و تێدا بۆ لێكۆله‌ران دیاربوویه كو د شیان دایه مرۆڤ خۆ ژ هنده‌ك نه‌خۆشیێن وه‌كى په‌نجه‌شێرا مه‌مكان، په‌نجه‌شێرا قولۆنێ، نه‌خۆشییا شه‌كرێ ژ جۆرێ دوێ و جه‌لته‌یا مێشكى بپارێزیت ئه‌و ژى ب رێكا ئه‌نجامدانا چالاكیێن جه‌سته‌یى دناڤ سرۆشتى دا.
د. جێمس گرێلیه‌ر سه‌رپه‌رشتێ لێكۆلینێ دبێژیت "مه د لێكۆلینا خۆ دا فۆكس دانابوو سه‌ر شه‌ش جۆرێن نه‌خۆشییان، لێ ژماره‌یه‌كا دى ژى یا نه‌خۆشییان هه‌نه كو مرۆڤ دشێت ب رێكا چالاكیێن جه‌سته‌یى خۆ ژێ بپارێزیت وه‌كى هنده‌ك جۆرێن دى یێن په‌نجه‌شێرێ".
