عهلى حسێن: ئهگهر كێشه بهێنه چارهكرن ههر دهمهكێ بیت پارتى بۆ ههلبژارتنان بهرههڤه
گاڤ
بهرپرسێ مهكتهبا رێكخستنا پارتى ل پارێزگهها سلێمانیێ دیاركر؛ ئهگهر كێشه بهێنه چارهكرن ههر دهمهكێ بیت پارتى بۆ ههلبژارتنان بهرههڤه.
عهلى حسێن گۆت "پارتى ئهگهرێ پاشئێخستنا ههلبژارتنان نینه بهلكو پارتى ل گهل راستڤهكرنا شاشیایه".
دیار ژى كر "پارتى هندهك تێبینى ههبووینه و ئهو تێبینییه گههاندینه ههمى لایهنان، ئهو تێبینییه نهگرێداى پارتى نه بهلكو گرێداینه ب ئهزموونا ههرێما كوردستانێ، ئهگهر كێشه بهێنه چارهكرن، ههر دهمهكێ بیت پارتى بۆ ههلبژارتنان بهرههڤه".
زێدهتر ژى گۆت "دو سال و چهند ههیڤن ههلبژارتن هاتینه پاشئێخستن و پارتى ئهگهرێ پاشئێخستتا ههلبژارتنان نینه".
پارتى ل ههیڤا ئادارێ یا بۆرى ب رێكا بهیانهكا مهكتهبا سیاسى بایكۆتكرنا ههلبژارتنێن پهرلهمانێ كوردستانێ راگههاند بوو و ل دویڤ دا هندهك لایهنێن سیاسى یێن مهسیحى و توركمانان ژى ههمان بڕیار دابوون.
دادگهها فیدرالى یا ئیراقێ د ههیڤا شوباتێ یا بۆرى دا بڕیارا ههلوهشاندنا 11 كورسیێن كۆتا یێن پێكهاتهیان د پهرلهمانێ كوردستانێ دا ههروهسا دابهشكرنا ههرێما كوردستانێ ل سهر چار بازنهیێن ههلبژارتنان دابوو.