ئیراق بۆ هاوردهكرنا فێقى و كهسكاتیێن توركى ل رێزا دوێ هات
گاڤ
ئیراق بۆ هاوردهكرنا فێقى و كهسكاتیێن توركى د چارێكا ئێكێ یا ئهڤ ساله 2024 دا ل رێزا دوێ د رێزبهندییا وهلاتان دا هات.
جڤاتا رێڤهبهر یا دهستهیا هناردهكارێن فێقى و كهسكاتیێن فرێش ل دهڤهرا دهریایا ناڤهراست یا توركى ئهڤرۆ پێنجشهمبییێ راگههاند؛ ئیراق بۆ هاوردهكرنا فێقى و كهسكاتیێن توركى د چارێكا ئێكێ یا ئهڤ ساله دا ل رێزا دوێ هات.
دهستهیێ دياركريه "د چارێكا ئێكێ یا ئهڤ ساله دا، توركیا ب بهایێ نێزیكى 963.4 ملیۆن دۆلاران فێقى و كهسكاتى هنارده كرینه".
ئاشكرا ژى كریه "پترین بهرههمێن فێقى و كهسكاتییان یێن توركیا د وى دهمى دا هناردهكرین، لالنگى ب بهایێ 227.4 ملیۆن دۆلاران، باجانسۆرك ب بهایێ 167 ملیۆن دۆلاران و لیمۆن ب بهایێ 108 ملیۆن دۆلاران بوون".
راگههاند ژى؛ ئیراقێ د چارێكا ئێكێ یا ئهڤ ساله دا، ئانكۆ د ههیڤێن كانوینا ئێكێ و شوباتێ و ئادارێ دا، ب بهایێ 108.1 ملیۆن دۆلاران فێقى و كهسكاتیێن توركیا هاوردهكرینه.
ئاماژه ب وێ چهندێ ژى كر "توركیا ب رێژهیا 346% هناردهكرنا فێقى و كهسكاتییان بۆ ئیراقێ زێده كریه".