گاڤ

د ساله‌كێ دا ئیراقێ نێزیكى 9 هزار ته‌نێن قه‌سپان ژ ئیرانێ هاورده‌كرینه‌ و ئیراق ل رێزا 7ێ د رێزبه‌ندییا وه‌لاتان دا بۆ هاورده‌كرنا قه‌سپێن ئیرانى هات.

لژنه‌یا گه‌شه‌پێدانا بازرگانییێ د مالا پیشه‌سازییێ یا ئیرانى دا ئه‌ڤرۆ ئێكشه‌مبییێ راگه‌هاند "د سالا بۆرى دا، ئیراقێ 8886 ته‌نێن قه‌سپێن ئیرانى ب بهایێ 9 ملیۆن و 440 هزار دیناران هاورده‌كرینه‌".

لژنه‌یێ د به‌یانه‌كێ دا راگه‌هاندیه‌ "د سالا بۆرى دا، ئیرانێ نێزیكى 389 هزار و 495 ته‌نێن قه‌سپان ب بهایێ 345 ملیۆن و 387 هزار و 122 دۆلاران هنارده‌ى ده‌رڤه‌ كرینه‌".

دیار ژى كریه‌ "هند ل رێزا ئێكێ بۆ هاورده‌كرنا قه‌سپێن ئیرانى هات، پاكستان ل رێزا دوێ، توركیا ل رێزا سیێ، كازاخستان ل رێزا چارێ، چین ل رێزا پێنجێ، رۆسیا ل رێزا شه‌شێ و ئیراق ل رێزا حه‌فتێ هاتن".

ئاماژه‌ ب وێ چه‌ندێ ژى كریه‌؛ هنارده‌كرنا قه‌سپێن ئیرانى د سالا بۆرى دا ل گۆره‌ى بهاى ب رێژه‌یا 6.7% ب هه‌ڤبه‌ركرن ل گه‌ل سالا به‌رى وێ زێده‌بوویه‌.