یاریكهرێن یانهیهكا هۆلهندى مووچهیێن خۆ ددهنه یانهیێ بۆ رزگاركرنا وێ
گاڤ
یانهیا ڤیتسه ئارنهێم بهرهڤ كۆمكرنا بهخشینێن پارهى ژ بۆ پاراستنا موولهتا یاریكرنێ د قارهمانییێن هۆلهندا دا چوویه و پتر ژ ملیار یۆرۆیان كۆمكرینه، یاریكهرێن یانهیێ ژى مووچهیێن خۆ بۆ یانهیێ بهخشین.
یانهیا ڤیتسه ئارنهێم بۆ جارا ئێكێ پشتى 35 سالان ژ خۆلا پله ئێك یا هۆلهندى دابهزى، ئهڤ چهنده هات پشتى ئێكهتییا تهپاپێى یا هۆلهندى 18 خال ژ وێ یانهیێ ژ بهر بنپێكرنا مهرجێن موولهتدانێ و پێشكێشكرنا زانیاریێن نهدروست بۆ دهستههلاتان كێمكرین.
ل گۆرهى میدیایێن هۆلهندى، یانهیا ڤیتسه ئارنهێم دهم مایه ههتا كۆمبوونا بهێت یا لژنهیا موولهتدانێ ل 17ى ڤێ ههیڤێ ژ بۆ بجهئینانا هندهك ستانداردێن دهستنیشانكرى، ل دهمهكێ قهڕێن ل سهر یانهیێ 18.9 ملیۆن یۆرۆنه.
ل سهر یانهیێ پێدڤى نینه ڤى كۆژمهى كۆمبكهت، لێ ل سهر پێدڤییه كو بسهلمینیت وێ پلانهكا بهردهوام بۆ پاشهرۆژێ ههیه.
ماركۆ ڤان جینكل كاپتنێ ڤیتسه ئارنهێم د ڤى دهربارهى دا بۆ مالپهرێ یانهیێ دبێژیت "بهخشین ژ ههر لایهكێ ڤه دهێن، ئهم وهك تیم نابیت خۆ گیرۆ بكهین لهوا مه بڕیار دا مووچهیێن خۆ بدهینه یانهیێ".