کوڤان حسێن

تشتێ جھێ گومانێ ژ ڤێ یا نوکە ل کوردستانێ ئالزی ئەڤە ئالییێن کوردستانی ھەمی ب ئێک جاری تووشی خەیالەکا رۆمانسی بۆوینە و ھند خۆە و جەماوەرێ خۆە ب وێ باوەریێ سیار کریە کو ئەم ل سویسرا دژین و دێ ب ھەلبژارتنەکا سادە و نۆرمال حزبەکا وەک پارتی کوشەگیر کەن و پاشی خانەنشین کەن و ھەتا  ئەرشیفکرنێ. ئەڤە ژ راستی کورفەھمییەکا سیاسیا بخوەیە ئالییێن سیاسی بن خاندنەکا درست و لوژیکی و بەرئاقل بۆ راستییا کەتوارێ سیاسیێ کوردستانێ نەکەن. ئەرێ ژ راستی دێ جێبیت بێی پارتی یاریا سیاسییا کوردستانێ ب رێڤە بجیت.دچیتە سەرێ کیش سیاسەتڤانی یان رۆژنامەڤانی دا کو بێی پارتی نەک محالە، بەلکو ھەر نابیت و ببیت ژی نابیت و بکەن ژی نابیت. ھندەک بابەت ئێک لایی بۆوینە و سەردەمەک بۆ دڤێت ھەتا بببیت. ھەتا کوردستان کیانەک خودان سەروەری نەبیت، دڤییا ئەم ب خەیالا چ بەھشتا بۆ ھەستا لاوازا ھندەکان درست نەکەین. ل گورەی ھەمی پێناسا، کورد بزاڤەکا رزگاری خوازا نشتمانی و نەتەویە، نەک تشتەک دی و نە ھەوجەیە ئاتافەکا دییا وەک داعشێ بیت ڤێ چەندێ ب سەلمینیت. راستییە و رەڤین ژڤێ راستییێ کورسیکا کەسێ گەرم ناکەت. پارتی و راست تر بێژین بارزانی بۆ جارا ئێکی نینە ھوسا پرسا ببەنە گڤاندا ھەرفینێ ئەگەر بابەت بۆ قەبۆولکرنا ئیرادەیا خەلکەکێ. د ناڤەروکا خۆ دا داگیرکەر. پارتی بۆ بریارا شورەشا ئیلوونێ دا وی دەمی کورد د لاوازترین رەوش دا بۆون و کەسێ گوھنەدا ھندێ کوردستانێ شیانا شەرێ دەولەتەکا وەک ئیراقێ ھەیە یان نە و دێ ئابۆرا شەری چەوابیت ؟؟ پارتی بۆ پروژێ (حکم زاتییێ) 1947 رەت کری و گوھنەدا وان ھەمی دەنگێن شازێن تژی پێڤە خوچەماندن و تەسلیم بۆون. پارتی بۆ ھاوکێشا سیاسییا نیڤەکا رۆژھەلاتا ناڤین گوھۆڕی پشتی 31 ئابێ. ئەڤە دەیدەنێ پارتییە. چونکە خۆە میراتگرێ بزاڤەکا نەتەوەی دبینیت و وەسایە ژی نەخاسم پشتی ھەمی ئالییان مەیدانا خەباتا نەتەوەی بۆ پارتی چوولکری. بڤی رەنگی ھەر بریارەکا پارتی ھەست پێبکەتن ھندەکێ ژ شکویا نەتەوەی کێم دکەتن. ھینگێ پارتی ئامادەیە خۆە و ھەمی ئالییان ھەتا سڤاندا کەفتێ بهاژوت.قەبۆولکرنا بریارێن بەغدا دپرسێن سیاسی دا ژ دەست دانا ھەمی دەستکەفتێن 100 سالێن بۆوریە و بۆ پارتی ئەڤە یا ئاسان نینە. ئەگەر مەرگێ خۆەژی دانیت سەر وەک 1975 دانای سەر.

نوکە دەمێ ھندێ یە ئالییێن سیاسی بۆ ھندەک حساباتا پارتی ئاشت کەن و ھێلانا پارتی بتنێ لڤی واری دا. ژ راستی کورفەھمیە.ئەرێ پارتی ھندە سادەیە و ھندا بێ چارەیە؟. ئەگەر ئڤە بتنێ ھێلانا پارتی بۆ ھندێ بیت بۆ وان ب دەستێن خەلکێ پارتی بچیک کەن. ئەڤە دبیت درست بیت ئەگەر بابەت حزباتی بیت. بەس لادانا پارتی دێ توفانا ژنافبرنا ئەڤێن دێ سەیران بیت بۆ ئەنتی کوردان ل ھەرجھی ھەی. دبیت پارتی ژی یا بێ گونەهـ فریشتە نەبیت. ل زۆر جھا دا خەلەت ببیت و دبیت جارا پتر ژ قەبارێ خۆەژی  تەولا ھەژموونا خۆە ژی فرەهـ کربیت. لێ ب باوەریا من پارتی نەھندە ب ھێزە وەک نەیارێن وێ یێن سیاسی وینە دکەن. بەلکو ئەو لاوازی، پەرت و بەلاڤ بوونە و ھەمی ژنوی و تازە بەرامبەر پارتی ھەست ب قەزمییا خۆە دکەن.

بێی پارتی جارێ نوکە ئاسان نینە. پارتی دەولەتا کیرە و ھەژموونا وێ ب چار سالێن بێی پارتی حکمرانی نابیت ژبلی ھندێ قەسابخانەکێ بۆ پارتییان بدانن.

پارتی دنوکە دا ژمن ڤە سیاسەتێ ناکەتن. پرانییا بریارێن سیاسێن مەزن و چارەنڤیسساز خولکێ قومارێ ددەن. ل ھەمی جیھانێ ژی ھەر ھوسایە. ھەمی پروژێن مەزن ب سمینار و کوربەندان ئاڤا نەبووینە بەلکو ب دژواری و جارا ب خوینرشتنێ ژی درست بووینە.ئەڤە نە چیڤانوکە، ئەڤە سەربۆر وەسا دبێژن. ئیراقێ ب مەزنییا خۆڤە ژ سەردەمێ مەلکی تانوکە نەشیایە پارتی تجاوز کەتن، زۆر ھەول داینە و بەدیل درست کرینە. سەرئەنجام دیارن. پارتی پراکماتی بیر دکەتن و ب دەردێ حزبا شیوعیا ئیراقێ نەچیت.