مێسى رێكۆردهكا نوى تۆماركر
گاڤ
لیۆنێل مێسى د ئێك نیڤا یارییهكێ دا ل گهل یانهیا خۆ ئینتر مایامى پشكدارى د شهش گۆلان دا كر ئهو ژى ب تۆماركرنا گۆلهكێ ل گهل پێنج ئهسێستان (بهرههڤكرنا گۆلێ) و ئهڤه ریكۆردهكا نوى یه د خۆلا ئهمریكا یا تهپاپێى دا.
د خۆلا ئهمریكا دا، یانهیا ئینتر مایامى شیا ب ئهنجامێ 6-2 سهركهفتنێ ل سهر نیویۆرك رێدبۆلز تۆماربكهت.
ههر شهش گۆلێن ئینتر مایامى د نیڤا دوێ یا یاریێ دا هاتن، پشتى ب دویماهیك هاتنا نیڤا ئێكێ ب پێشكهفتنا نیویۆرك رێدبۆلز ب گۆلهكێ بێ بهرانبهر.
لێۆنێل مێسى شیا د یارییێ دا گۆلهكێ تۆمار بكهت ل گهل پێنج ئهسێستان و ههمى ژى د نیڤا دوێ یا یارییێ دا بوون.
پشكدارى د 6 گۆلان دا چ ب تۆماركرنێ یان ئهسێستێ بیت د ئێك نیڤا یارییهكێ دا، نمرهیهكا پیڤانكى یا نوى یه د خۆلا ئهمریكا دا كو مێسى تۆماركر، نمرهیا بهرى نوكه پشكدارى د پێنج گۆلان دا بوو د ئێك نیڤا یارییێ دا كو پێنج یاریكهران ب یهكسانى ئهو ریكۆرده تۆماركربوون.
ههر د یارییا ئینتر مایامى دا، یاریكهرێ دى ژى یێ بهرى یێ بهرشلۆنا لویس سوارێز ئاستهكێ باش پێشكێشكر و 3 گۆل تۆماركرن.