ئهمریكا: پێدڤیه ئیراق لێپرسینێ ل گهل ئهنجامدهرێن هێرشان ل سهر هێزێن ئهمریكى بكهت
بەلاڤ بکە
گاڤ
وهزارهتا دهرڤه یا ئهمریكا دوپاتى ل سهر ئهركێ حكومهتا ئیراقێ د ئهنجامدانا لێپرسینێ ل گهل ئهنجامدهرێن هێرشان ل سهر هێزێن ئهمریكى ل ئیراقێ كر.
ماتیۆ میلهر پهیڤدارێ وهزارهتا دهرڤه یا ئهمریكا ئهڤرۆ پێنجشهمبیێ راگههاند "هێزێن ئهمریكى ل سهر داخوازنامهیا حكومهتا ئیراقێ ل ئیراقێ نه".
گۆت ژى "ل سهر حكومهتا ئیراقێ پێدڤیه لێپرسینێ ل گهل ئهنجامدهرێن هێرشان ل سهر هێزێن ئهمریكى خۆ ئهگهر چ لایهن بن بكهت".
وهزارهتا دهرڤه یا ئهمریكا دوپاتى ل سهر وێ چهندێ كر كو "پێدڤیه حكومهتا ئیراقێ گاڤێن پتر ژ بۆ پاراستنا هێزێن ئهمریكى ل ئیراقێ بگریته بهر".
ههر ژ دهمێ دهستپێكرنا شهڕێ غهزه، هێرشێن میلیشیایێن ئیراقى یێن چهكدار ل سهر بارهگایێن هێزێن ههڤپهیمانیا نێڤدهولهتى زێدهبووینه و واشنتۆنێ پتر ژ جارهكێ داخواز ژ حكومهتا ئیراقێ كریه ههمى رێكارێن پێدڤى بۆ راوهستاندنا وان هێرشان و سزادانا بكهران بگریته بهر.
