گاڤ

سندۆقا دراڤى یا نێڤده‌وله‌تى د نویترین پێشبینییێن خۆ دا راگه‌هاند؛ ئابوورێ جیهانێ د سالێن 2024 و 2025 دا دێ ب رێژه‌یا 3.2% گه‌شه‌پێدانێ ب خۆڤه‌ بینیت.

سندۆقا دراڤى یا نێڤده‌وله‌تى ئه‌ڤرۆ شه‌مبیێ راگه‌هاند "پێشبینیێن سه‌ره‌كى وێ چه‌ندێ خۆیا دكه‌ن كو ئابوورێ جیهانێ دێ د سالێن 2024 و 2025 دا د گه‌شه‌پێدانێ دا ب رێژه‌یا 3.2% به‌رده‌وام بیت و ب هه‌مان ریتمێ سالا بۆرى 2023 ل گه‌ل بله‌زبوونه‌كا كێم یا گه‌شه‌پێدانێ د ئابوورێن وه‌لاتێن پێشكه‌فتى دا".

دیار ژى كریه‌ "دهێته‌ چاڤه‌رێكرن رێژه‌یا گه‌شه‌پێدانێ ژ 1.6% یا د سالا 2023 دا هاتیه‌ تۆماركرن ژ بۆ رێژه‌یا 1.7% د سالا 2024 دا و پاشى بۆ رێژه‌یا 1.8% د سالا 2025 دا بلند ببیت".

ئاماژه‌ ب وێ چه‌ندێ ژى كریه‌ "پێشبینى ئه‌ون رێژه‌یا هه‌لئاوسانێ ل جیهانێ ژ 6.8% یا د سالا 2023 دا هاتیه‌ تۆماركرن كێمببیت و د سالا 2024 دا ببیته‌ 5.9% و د سالا 2025 دا ببیته‌ 4.5%".