ژ بهر كێمبوونا پهترۆلا عهمباركرى ل ئهمریكا بهایێن پهترۆلێ بلندبوون
05/08/2024 - 23:13
گاڤ
بهایێن پهترۆلێ د بازارێن جیهانى دا ل ئێڤارییا ئهڤرۆ چارشهمبییێ ژ بهر كێمبوونا ب شێوهیهكێ زێدهتر ژ پێشنبییان یا پهترۆلا عهمباركرى ل ئهمریكا بلند بوون.
كارگێرییا زانیارییێن وزهیێ یا ئهمریكى دیاركریه؛ پهترۆلا عهمباركرى ل ئهمریكا ب 1.4 ملیۆن بهرمیلان كێمبوویه و گههشتیه 459.5 ملیۆن بهرمیلان.
كارگێرییێ ههروهسا پێشبینیكریه "گهشهپێدانا داخوازییێ ل سهر پهترۆلێ ل جیهانێ د دهمێ سالهكێ دا كێم ببیت".
بهایێ پهترۆلا برێنت د گرێبهستێن پاشئێخستى دا ب 52 سهنتان و ب رێژهیا 0.63% بلند بوو و بهایێ بهرمیلهكێ گههشته 83.68 دۆلاران.
ههروهسا بهایێ پهترۆلا خاڤا رۆژئاڤایێ تێكساس یا ناڤنجى یا ئهمریكى WTI ژى ب 65 سهنتان و ب رێژهیا 0.83% بلند بوو و بهایێ بهرمیلهكێ گههشته 79.03 دۆلاران.