سه‌رۆك نێچیرڤان بارزانى و محه‌مه‌د حه‌لبووسى دویماهیك پێشهاتێن ره‌وشا سیاسى ل ئیراقێ به‌حسكرن
بەلاڤ بکە
گاڤ
سه‌رۆكێ هه‌رێما كوردستانێ و سه‌رۆكێ پارتا ته‌قه‌دوم كۆمبوون و د كۆمبوونێ دا دویماهیك پێشهاتێن ره‌وشا سیاسى ل ئیراقێ به‌حسكرن.
سه‌رۆك نێچیرڤان بارزانى ئه‌ڤرۆ شه‌مبییێ ل به‌غدا ل گه‌ل محه‌مه‌د حه‌لبووسى سه‌رۆكێ به‌رێ یێ په‌رله‌مانێ ئیراقێ و سه‌رۆكێ پارتا ته‌قه‌دوم كۆمبوو.
ل گۆره‌ى به‌یانه‌كا سه‌رۆكاتییا هه‌رێما كوردستانێ "د كۆمبوونه‌كێ دا، دویماهیك پێشهاتێن ره‌وشا سیاسى ل ئیراقێ، بزاڤێن ده‌ستنیشانكرن و هه‌لبژارتنا سه‌رۆكێ جڤاتا نوینه‌رێن ئیراقێ، په‌یوه‌ندییێن هه‌ولێر و به‌غدا و دانوستاندنێن چاره‌كرنا كێشه‌یێن وان هاتنه به‌حسكرن".
دیار ژى كریه "دویماهیك پێشهاتێن ره‌وشا ده‌ڤه‌رێ ب گشتى و كارتێكرنێن وان ل سه‌ر ئیراقێ ل گه‌ل چه‌ند پرسێن جهێ گرنگیپێدانا هه‌ڤپشك ژ ته‌وه‌رێن دى یێن كۆمبوونێ بوون".
سه‌رۆك نێچیرڤان بارزانى د ده‌مه‌كێ دى دا ژ ئه‌ڤرۆ پشكدارى د كۆمبوونا هه‌ڤپه‌یمانییا برێڤه‌برنا ده‌وله‌تێ دا ل به‌غدا كربوو و هه‌روه‌سا ل گه‌ل محه‌مه‌د شیاع سوودانى سه‌رۆكوه‌زیرێ ئیراقێ ژى كۆمببوو.
