ئه‌مریكا به‌ربه‌ستێن بازرگانى یێن نوى ل سه‌ر هنده‌ك كۆمپانییێن چینى سه‌پاندن
بەلاڤ بکە
گاڤ
ئه‌مریكا جاره‌كا دى سزا ل سه‌ر هنده‌ك كۆمپانیێن چینى سه‌پاندن و ب ده‌هان دامه‌زراوه‌یێن چینى د لیستا وان سازییێن به‌ربه‌ستێن بازرگانى ل سه‌ر هاتینه سه‌پاندن دا زێده‌كرن.
كارگێرییا جۆ بایدن سه‌رۆكێ ئه‌مریكا ئه‌ڤرۆ پێنجشه‌مبییێ ب ده‌هان دامه‌زراوه‌یێن چینى د لیستا وان سازییان دا زێده‌كرن یێن به‌ربه‌ستێن بازرگانى ل سه‌ر هه‌ین.
هنده‌ك ژ وان دامه‌زراوه‌یێن سزا ل سه‌ر هاتینه سه‌پاندن، گۆمان ل سه‌ر وان هه‌یه كو وان پشته‌ڤانى ل وێ بالۆنا سیخۆریكرنێ كربن ئه‌وا د سالا بۆرى دا ل سه‌ر ئه‌مریكا دفڕى و ببوو ئه‌گه‌رێ تێكچوونا په‌یوه‌ندیێن دوقولى دناڤبه‌را ئه‌مریكا و چینێ دا.
هه‌روه‌سا وه‌زاره‌تا بازرگانییێ یا ئه‌مریكا راگه‌هاند؛ ئه‌و دێ هنده‌ك یه‌كه‌یێن سازییا ته‌كنولۆژیایا ئه‌له‌كترۆنى یا چینى د لیستا وان سازیێن سزا ل سه‌ر هاتینه سه‌پاندن دا زێده كه‌ت.
ئه‌مریكا لیسته‌ك هه‌یه ب ناڤێ لیستا دامه‌زراوه‌یان و ئه‌و سازییه تێدا هه‌نه یێن به‌ربه‌ستێن بازرگانى ل سه‌ر هاتینه سه‌پاندن، ئه‌ڤ چه‌نده ژ بۆ راوه‌ستاندنا گه‌هشتنا وێ ته‌كنولۆژیایێ بۆ چینێ ئه‌وا مه‌ترسییا بكارئینانا وێ بۆ بهێزكرنا شیانێن له‌شكه‌رى یێن چینێ هه‌ى.
پشتى ئه‌مریكا سازییان بۆ لیستێ زێده دكه‌ت، ل سه‌ر به‌رهه‌مهینه‌رێن ئه‌مریكى ب زه‌حمه‌ت دكه‌ڤیت داخوازیێن وان سازیێن سزا ل سه‌ر هاتینه سه‌پاندن، بجهبینن.
