گاڤ

وه‌زاره‌تا دارایى و ئابوورى یا هه‌رێما كوردستانێ ب رێكا نڤیساره‌كێ داخواز ژ وه‌زاره‌تا دارایى یا ئیراقێ كر هه‌یڤانه‌ شایسته‌یێن مامۆستایێن وانه‌بێژ یێن وه‌زاره‌تا خواندنا بلند و لێكۆلینێن زانستى یا هه‌رێمێ بهنێریت.

د نڤیساره‌كا وه‌زاره‌تا دارایى و ئابوورى یا هه‌رێما كوردستانێ كو بۆ وه‌زاره‌تا دارایى یا ئیراقێ هاتیه‌ ئاراسته‌كرن دا هاتیه‌ "دخوازین رازیبوون ل سه‌ر هنارتنا 1 ملیار و 189 ملیۆن دیناران هه‌یڤانه‌ وه‌ك شایسته‌یێن مامۆستایێن وانه‌بێژ د وه‌زاره‌تا خواندنا بلند و لێكۆلینێن زانستى یا هه‌رێما كوردستانێ دا بهێته‌ كرن چونكى ناڤێن وان د لیستێن هه‌یڤێن 2 و 3 و 4 یێن سالا 2024 یێن تایبه‌ت ب مووچه‌یێن مامۆستایێن ل سه‌ر میلاكێ به‌رده‌وام یێن بۆ هه‌وه‌ هاتینه‌ هنارتن دا نه‌بوون".

د نڤیسارێ دا هاتیه‌ ژى "ژماره‌یا وان مامۆستایێن وانه‌بێژ 1982 مامۆستانه‌".