كۆمبوونا هه‌ڤپه‌یمانییا برێڤه‌برنا ده‌وله‌تێ ب دویماهیك هات و سه‌رۆك نێچیرڤان بارزانى و حه‌لبووسى د كۆمبوونێ دانه
04/27/2024 - 23:00
بەلاڤ بکە
گاڤ
كۆمبوونا هه‌ڤپه‌یمانییا برێڤه‌برنا ده‌وله‌تێ به‌رى ده‌مه‌كێ كێم ل به‌غدا ب پشكدارییا سه‌رۆكێ هه‌رێما كوردستانێ ب دویماهیك هات.
به‌رى ده‌مه‌كێ كێم كۆمبوونا هه‌ڤپه‌یمانییا برێڤه‌برنا ده‌وله‌تێ ب دویماهیك هات و د نوكه دا سه‌رۆك نێچیرڤان بارزانى و محه‌مه‌د حه‌لبووسى سه‌رۆكێ پارتا ته‌قه‌دوم د كۆمبوونێ دانه.
سه‌رۆك نێچیرڤان بارزانى د سه‌ره‌دانه‌كێ دا ل به‌غدایه و به‌رى نوكه ل گه‌ل محه‌مه‌د شیاع سوودانى سه‌رۆكوه‌زیرێ ئیراقێ ژى كۆمببوو.
ئۆفیسا راگه‌هاندنێ یا محه‌مه‌د شیاع سوودانى سه‌رۆكوه‌زیرێ ئیراقێ راگه‌هاند بوو؛ سه‌رۆكوه‌زیرێ ئیراقێ سه‌ره‌دانێن سه‌رۆك نێچیرڤان بارزانى بۆ به‌غدا ب گاڤه‌كا ئه‌رێنى بۆ چاره‌كرنا هه‌مى كێشه‌یان لقه‌له‌مدا.
