بانكا ناڤه‌ندى یا ئیراقێ: بانك دشێن ب ڤان 5 مه‌رجان دۆلارى ژ ده‌رڤه بینن
11/08/2023 - 19:20
بەلاڤ بکە
گاڤ
جێگرێ پارێزگارێ بانكا ناڤه‌ندی یا ئیراقێ عیماد خه‌له‌ف راگه‌هاند، دێ ب ڤان 5 مه‌رجان رێك ب بانكێن ئیراقێ هێته‌دان دۆلارى ژ ده‌رڤه بینن:
- ئه‌و پاره‌یێ دهێته ئینان و بكارئینان، پێدڤیێن داخوازكریان ژ كۆمپانى و رێكخراو و ده‌سته‌یێن تۆماركرى پڕ بكه‌ت دگه‌ل پێدڤیێن وان كارمه‌ندێن كارى بۆ كۆمپانیا و سازیێن بیانى دكه‌ن.
- داخوازى بۆ بانكا ناڤه‌ندى بهێته بلندكرن و تێدا ئاماژه ب كۆژمێ پاره‌ى بهێته‌دان دگه‌ل رێكێن ئینانێ.
- دشیاندایه وى پاره ب رێكێن ئاسمانى (فرۆكه‌یێ) بیننه دناڤ وه‌لاتى دا.
- كه‌سێن پاره‌ى دئینن دێ هێنه پێگیركرن، بۆ تۆماركرنا زنجیره‌یا ترانزێتێ یا وى پاره‌ى ب هه‌ماهه‌نگى دگه‌ل فه‌رمانگه‌ها چاڤدێریا بانكان.
- ناڤێ وان كۆمپانیێن پاره‌ى هاورده دكه‌ن، راده‌ستى بانكا ناڤه‌ندى بهێنه‌كرن، دگه‌ل وێنه‌یه‌كى ژ مۆله‌تا وان.
