سه‌رۆكاتیا په‌رله‌مانێ ئیراقێ بڕیارا ل دۆر ب دویماهیك ئینانا گرێبه‌ستێن پاسه‌وانێن حه‌لبووسى هه‌لوه‌شاند
بەلاڤ بکە
گاڤ
سه‌رۆكاتیا په‌رله‌مانێ ئیراقێ بڕیارا هه‌لوه‌شاندنا گرێبه‌ستێن پاسه‌وانێن محه‌مه‌د حه‌لبووسى سه‌رۆكێ په‌رله‌مانێ ئیراقێ هه‌لوه‌شاند.
په‌رله‌مانێ ئیراقێ د ده‌مه‌كێ دى دا ژ ئه‌ڤرۆ چارشه‌مبیێ د فه‌رمانه‌كێ دا گرێبه‌ستێن تیما پاسه‌وانێن محه‌مه‌د حه‌لبووسى سه‌رۆكێ په‌رله‌مانێ ئیراقێ هه‌لوه‌شاندبوون پشتى بڕیارا دادگه‌ها فیدرالى یا گرێداى ب دویماهیك ئینانا ئه‌ركێ حه‌لبووسى وه‌ك په‌رله‌مانتار و سه‌رۆكێ په‌رله‌مانى، لێ سه‌رۆكاتیا په‌رله‌مانێ ئیراقێ ئه‌و فه‌رمانه هه‌لوه‌شاند و ب بڕیاره‌كا كه‌سۆكى یا رێڤه‌به‌رێ گشتى یێ رێڤه‌به‌ریا كاروبارێن كارگێرى یا په‌رله‌مانى لقه‌له‌مدا.
سه‌رۆكاتیا په‌رله‌مانى هه‌روه‌سا بڕیارا پێكئینانا لژنه‌یه‌كا لێكۆلینێ ل دۆر بابه‌تى دا.
دادگه‌ها فیدرالى یا ئیراقێ دوهى سێشه‌مبیێ پشتى سكالایه‌كا له‌یس دلێمى بڕیارا ب دویماهیك ئینانا ئه‌ندامه‌تیا محه‌مه‌د حه‌لبووسى د په‌رله‌مانێ ئیراقێ دا دابوو.
