توركیا دخوازیت 40 فرۆكه‌یێن شه‌ڕكه‌ر بكریت و ئه‌لمانیا ئاسته‌نگه
11/18/2023 - 11:00
بەلاڤ بکە
ل گۆره‌ى ئاژانسێن نوچه‌یان، توركیا نیاز هه‌یه 40 فرۆكه‌یێن شه‌ڕكه‌ر یێن ئه‌ورۆپى ژ جورێ "یۆرۆ فایتەر تایفۆن" بکریت، لێ ئه‌لمانیا ئاسته‌نگه.
وه‌زیرێ به‌رگریا توركیا یه‌شار گویله‌ر راگه‌هاند، وان ب فه‌رمى ده‌ست ب دانوستاندنان دگه‌ل هه‌ر ئێك ژ ئسپانیا و بریتانیا كریه بۆ ب ده‌ستخستنا فرۆكه‌یێن شه‌ڕكه‌رێن فایتەر تایفۆن كو ب دیتنا وى ژ باشترین جورێ فرۆكه‌یێن شه‌ڕكه‌رن.
گویله‌ر راگه‌هاند ژى، هه‌ڤده‌م توركیا بزاڤا رازیكرنا ئه‌لمانیا دكه‌ت ژبه‌ر كو دژى ڤێ بیرۆكه‌یێ یه.
یه‌شار گویله‌ر، ئاماژه ب وێ ئێكێ ژى دا، فرۆكه‌یێن نها یێن توركیا ژ جورێ ئێف 16 یێن ئه‌مریكینه، نها توركیا دخوازیت فرۆكه‌یێن ئێف 35 بده‌ستڤه‌بینیت، لێ د ڤێ پرۆسه‌یێ دا روى ب روى ئاسته‌نگان بوویه.
