گاڤ

وه‌زاره‌تا سامانێن سروشتى یا حكومه‌تا هه‌رێما كوردستانێ راگه‌هاند: ئه‌و گازا سپى یا به‌غدا دهنێریت ب چ بها بیت ب وى بهای دێ ب وه‌لاتیان هێته‌ دان.

ئه‌ڤرۆ رۆژا سێشه‌مبی 28-11-2023یێ وه‌زاره‌تا سامانێن سروشتى یا حكومه‌تا هه‌رێما كوردستانێ راگه‌هاند: پشتى كۆمبوونێن د ناڤبه‌را هه‌ر دو وه‌زاره‌تێن سامانێن سرۆشتى و وه‌زاره‌تا نه‌فتا ئیراقێ دا، ل رۆژێن 12ى چریا دویێ یا ئه‌ڤساله‌ وه‌زاره‌تا سامانێن سرۆشتى یا هه‌رێمێ دوپاتى ل سه‌ر دابینكرنا گازا سپى بۆ وه‌لاتیێن پارێزگه‌هێن هه‌رێما كوردستانێ كریه‌ ب هه‌مان بهایێ پارێزگه‌هێن دى یێن ئیراقێ.

وه‌زاره‌تێ دیاركریه‌، ئه‌ڤساله‌ ب سێ نڤیساران و هنارتنا شاندان داخوازى گه‌هاندیه‌ وه‌زاره‌تا نه‌فتا ئیراقێ ب مه‌ره‌ما دابینكرنا گازا سپى بۆ وه‌لاتیێن هه‌رێما كوردستانێ ب هه‌مان بهایێ ئیراقێ.

ل گۆڕه‌یى وه‌زاره‌تێ ب پشتبه‌ستن ب داخوازى و بزاڤێن وه‌زاره‌تێ داخوازى بۆ جڤاتا بلندا ئابۆرى یا حكومه‌تا ئیراقێ هاتیه‌ بلندكرن ب مه‌ره‌ما رازیبوونێ.

ده‌رباره‌ی وێ گازا بۆ هه‌رێمێ دهێته‌ ره‌وانه‌كرن وه‌زاره‌تا سامانێن سرۆشتى دیاركریه‌، ل گه‌ل هنارتنا پشكا هه‌رێمێ ژ ئالیێ به‌غدایێ ڤه‌ ب هه‌ر بهایەکی بیت دێ ب وى بهای ل سه‌ر وه‌لاتیان ژى هێته‌ به‌لاڤكرن.