گاڤ

دەستەیا دەستپاکیا ئیراقێ سێ بەرپرس ل کەرکووکێ ب تومەتا گەندەلیێ د خەرجکرنا دو ملیار دیناران دا گرتن کو سەختەکاری د ئەنجامێن تاقیگەهێن بیناسازی دا کربوو.

دەستەیا دەستپاکیا ئیراقێ ئەڤرۆ راگەهاند: وان گومان هەبوو کو سێ بەرپرسان ل کەرکووکێ سەختەکاری د ئەنجامێن تاقیگەهێن بیناسازی دا کربوو و ئەو دەستکاری ببوونە ئەگەر کوژمێ دو ملیار دیناران بهێنە بهەدەردان، لەورا وان دویڤچوون کر و ب فەرمانا دادوەرێ تایبەتمەند فەرمانا گرتنێ بۆ هەرسێ کەسان دەرچوو.

ژێدەری دایە زانین ژی: پشتی فەرمانا گرتنێ دەرچووی، وان ئەو هەرسێ کەس گرتینە، لێکۆلینان دەستپێ کریە و هەر دەما لێکۆلین ب دوماهی هاتن، ئەنجام دێ بۆ رایا گشتی هێنە راگەهاندن.