گاڤ

سەرۆکێ حکومەتا ئیراقێ ئەڤرۆ داخواز ژ سەرۆککۆمارێ ئیراقێ کر: ئیمزایێ ل سەر بجهئینانا حوکمێ سێدارەدانێ یێ هندەک تاوانباران بکەت.

محەمەد شیاع سوودانی، سەرۆکوەزیرێ ئیراقێ ئەڤرۆ د چارچووڤەیێ پشکداریێ د کۆنفرانسەکێ بەرهنگاریا ماددەیێن هشبەر دا راگەهاند: پرسا ماددەیێن هشبەر ئێک ژ بترسترین پرسێن نوکە یێن ئیراقێ یە، لەورا پێدڤیە ب هەموو رەنگان بەرهنگاریا وێ دیاردێ بهێتە کرن.

سوودانی د چارچووڤەیێ گۆتارا خۆ دا داخواز ژ د. لەتیف رەشید، سەرۆککۆمارێ ئیراقێ کر: ئیمزایێ ل سەر حوکمێ سێدارەدانێ یێن تاوانبارێن بازرگانیێ ب ماددەیێن هشبەر بکەت، داکو ئەو ببنە عیبرەت بۆ کەسێن دی و وەلاتی بزانن بکارئینان و بازرگانیکرنێ ب ماددەیێن هشبەر، سزایێ خۆ هەیە.