گاڤ

ئەڤرۆ ل ئیرانێ چار کەس هاتنە سێدارەدان و دەستهەلاتدارێن ئیرانی دبێژن: تاوانا وان هەبوونا پەیوەندیان ل گەل مۆسادێ بوو.

ئاژانسا نووچەیێن ئیرانێ راگەهاند: ئەڤرۆ رۆژا ئەینی 29-12-2023یێ پشتی دەربازکرنا هەموو رێکارێن یاسایی، حوکمێ سێدارەدانێ ل سەر چار تاوانباران هاتە بجهئینان.

ژێدەری دایە زانین ژی: وان چار کەسان پەیوەندی ب دەزگەهێ هەوالگیریا ئسرائیلێ مۆسادێ ڤە هەبوو و هەرچار ئەندامێن گرۆپێن ئسرائیلی یێن تێکدەر بوون.

چەندین سالن ئیران و ئسرائیل گەفان ل هەڤدو دکەن، لێ پشتی دەستپێکرنا شەڕێ ئسرائیل و حەماسێ، ئاستێ گەفان بلند بوویە و تەهران ئسرائیلێ ب کوشتنا بەرپرسێن ئیرانی ل سووریێ تومەتبار دکەت.