راگەهاندنەک ژ پارتی دیمۆکراتی کوردستان
بەلاڤ بکە
گاڤ
پارتی دیمۆکراتی کوردستان پشتی راگەهاندنا ئەنجامێن فەرمی یێن هەلبژارتنێن جڤاتێن پارێزگەهێن ئیراقێ، راگەهاندەک بەلاڤ کر و تێدا ئامادەباشیا خۆ بۆ پشکداریێ د پێکئینانا حکومەتێن خۆجهی دا دیار کر.
مەحموود محەمەد، پەیڤدارێ پارتی دیمۆکراتی کوردستان ئەڤرۆ د راگەهاندنەکێ دا دیار کر: هەرچەندە پارتی بەری دەستپێکرنا هەلبژارتنێن جڤاتێن پارێزگەهان و تا دەما راگەهاندنا ئەنجامان تێبینی هەبوون، لێ ئەو ئامادەنە دانوستاندنان بۆ پێکئینانا حکومەتێن خۆجهی بکەن.
پەیڤدارێ پارتی خۆیا ژی کر: د روانگەیا باوەریا پارتی ب دیمۆکراسیێ و پرۆسەیا هەلبژارتنان و هەروەسا پشکداریا هەموو پێکهاتەیێن نەتەوەیی و ئۆلی د پرۆسەیا حوکمرانیا ئیراقێ دا و د چارچووڤەیێ دەستوورێ هەردەمی یێ ئیراقێ و بجهئینانا رێککەفتنێن سیاسی و کارنامەیا کابینەیا حکومەتا فیدرال، ب تایبەت ئەو بابەتێن دبنە ئەگەرێ سەقامگیری و ئاساییکرنا رەوشێ وەکو رێککەفتنا شنگالێ و ئاساییکرنا رەوشا باژێڕێ کەرکووکێ، ئەو بۆ دانوستاندنان دئامادەنە.
پارتی د هەلبژارتنێن جڤاتێن پارێزگەهان دا، ل پارێزگەها نەینەوا چار کورسی و ل کەرکووکێ دو کورسی برینە.
