ئیرانێ حوكمێ سێدارێ بۆ چار گهنجێن كورد دهرخست
گاڤ
كۆمارا ئیسلامى یا ئیرانێ سزایێ سێدارهدانێ بۆ چار گهنجێن كورد دهرخست و كۆمهلهیا مافێ مرۆڤى ژى هۆشداریێ ژ بلهز بجهئینانا بڕیارێ ددهت.
كۆمهلهیا مافێ مرۆڤى رادگههینیت، ههر ئێك ژ پژمان فاتیحى، محسن مهزلووم، محهمهد فهرامهرزى و وهفا ئازهربار ب حوكمێ سێدارهدانێ هاتینه سزادان و دهزگههێن ئێمناهیا ئیرانێ ب تۆمهتا ههڤكاریكرنێ ل گهل مووسادا ئسرائیلێ تۆمهتباركرینه.
ل گۆڕهیى زانیاریێن تۆڕا مافێن مرۆڤى ئهو چار ئهندامێن كۆمهلهیا شۆڕشگێرى یا زهحمهتكێشێن كوردستانێ نه و ژ ئالیێ هیزێن ئێمناهیێ ڤه ل ورمێ هاتینه دهستهسهركرن و بهریا دو مههان سزایێ سێدارهدانێ بۆ وان هاتیه دهرخستن.
بهرى چهند رۆژهكان پارێزهرێن وان گهنجان تانه ل بڕیارا دادگههێ دایه، لێ ههر د ڤان رۆژان دا بڕیار دهركهفتیه و وهك خۆ مایه و بڕیار بۆ بجهئینانێ بۆ دادگهها تههرانێ هاته هنارتن، ئهڤه ژى ههر تۆڕا مافێن مرۆڤى گۆتیه.
ههروهسا ئاشكراكریه، پشتى بڕیار دهركهفتى مهترسیا بلهز بجهئینانا بڕیارێ ل سهره و ئهو ههر ههموو تۆمهتێن بۆ وان گهنجان هاتینه دروستكرن بههانه نه و چ راستى بۆ نینه.