لێكۆلینه‌ك: رۆژانه سێ كۆپێن چایێ ڤه‌خۆ و ژ دیاربوونا نیشانێن بناڤسالڤه‌چوونێ دویربكه‌ڤه
بەلاڤ بکە
گاڤ
لێكۆلینه‌كا ساخله‌میێ یا نوى ئاشكرا كریه كو ڤه‌خوارنا سێ كۆپێن چایێ رۆژانه ژ بۆ گیرۆكرنا بناڤساله‌چوونا بایولۆژى یا گرنگه.
ژماره‌یه‌كا لێكۆله‌ران دویڤچوونا داتایێن نزیكى 14000 خۆبه‌خشێن بریتانى و چینى كربوون و دیارببوو كو ڤه‌خوارنا چایێ ب شێوه‌یه‌كێ ناڤنجى بهێزترین مفا بۆ گیرۆكرنا بناڤسالڤه‌چوونێ هه‌یه، وه‌كى رۆژنامه‌یا ده‌یل مه‌یل ئاماژه‌پێكرى.
لێكۆلینێ ئاماژه ب وێ چه‌ندێ كریه كو ڤه‌خوارنا سێ كۆپێن چایێ رۆژانه، هه‌ر چ جۆره‌كێ چایێ بیت، د شیان دایه بناڤساله‌چوونا بایولۆژى گیرۆ بكه‌ت، ئه‌ڤ چه‌نده ژ به‌ر هه‌بوونا ژماره‌یه‌كا پێكهاته‌یێن ب هێز دناڤ چایێ دا.
لێكۆله‌رێن زانكۆیا سیشوان ل چنگدۆ ل چینێ دویڤچوونا داتایێن 5998 بریتانیێن ته‌مه‌نێ وان دناڤبه‌را 37 تا 73 سالان دا هه‌روه‌سا 7931 چینیێن ته‌مه‌نێ وان دناڤبه‌را 30 تا 79 سالان دا كرینه.
لێكۆله‌ران د كۆڤارا The Lancet Regional Health- Western Pacific دا نڤیسینه "ڤه‌خوارنا نزیكى 3 كۆپێن چایێ رۆژانه ره‌نگه مفایێن روهنتر د بوارێ به‌رهنگاریا بناڤسالڤه‌چوونێ دا په‌یدا بكه‌ت".
بۆ لێكۆله‌ران دیاربوویه كو پێكهاته‌یا پولیفێنۆل یا د چایێ دا رۆله‌كێ سه‌ره‌كى د گیرۆكرنا بناڤسالڤه‌چوونێ دا هه‌یه.
