دێ چه‌وا پاره و سه‌رمایێ خۆ د ره‌وشا نها دا پارێزى؟
بەلاڤ بکە
گاڤ
ل گۆره‌ى پسپۆره‌كێ دارایی، سێ رێكێن باش بۆ پاراستنا پاره و سه‌رمایه‌ى د ئیراقا نها دا هه‌نه، بۆ ده‌مێ كورت پاره‌یێ ئیراقێ بكه‌یه دۆلار، بۆ ده‌مێن ناڤنجى بكه‌یه ئه‌رد و خانى و بۆ ده‌مێ درێژ بكه‌یه زێڕ.
ئەحمەد سەدام، پسپۆرێ دارایی یێ ئیراق راگه‌هاند، قه‌یرانا دارایی ل ئیراقێ به‌رفره‌هتر دبیت ژبه‌ر سنورداركرن و سزایێن ڤێ دویماهیێ یێن ئه‌مریكا و ره‌وشا هاتیه پێش، ژبه‌ر ڤێ ئێكێ ب ده‌ربازبوونا ده‌مى بهایێ دینارى دێ كێم بیت.
وى شاره‌زایێ دارایی دیاركر، ب سلامه‌تترین رێكا ده‌م كورت بۆ پاراستنا پاره‌ی، گهۆڕینا دینارێ ئیراقێ بۆ دۆلارى یه. بۆ ده‌مێن ناڤنجى ژى كرینا ئه‌ردوخانیانه و بۆ ده‌مه‌كێ درێژ ژى كرینا زێڕى یه.
ئاماژه ب وێ ئێكێ ژى دا، چه‌ند ده‌لیڤه‌یێن دى هه‌نه بۆ وه‌به‌رهێنانێ ئه‌و ژى د پشك و كۆمپانیێن باوه‌رپێكرى و پشتڕاست دایه، لێ ژبه‌ر كو ئه‌ڤه ل ئیراقێ نینه، گونجایترین بژارده هه‌ر دۆلار و ئه‌ردوخانى و زێڕن.
