ناڤهڕۆكا كۆمبوونا سهرۆك نێچیرڤان بارزانى و وهزیرێ بهرگریا توركیا
گاڤ
سهرۆكێ ههرێما كوردستانێ و وهزیرێ بهرگریا توركیا دوپاتى ل پاراستنا ئارامیێ و سهقامگێریێ ل ناوچێ كرن و پاراستنا ئاسایشا سنۆران ژى ب گرنگ دان زانین.
ئهڤرۆ سپێدێ نێچیرڤان بارزانى، سهرۆكێ ههرێما كوردستانێ و یهشار گولهر، وهزیرێ بهرگریا توركیا ل ههولێرێ ل كۆچكا سهرۆكاتیا ههرێمێ كۆمبوون.
سهرۆكاتیا ههرێما كوردستانێ راگههاند، د كۆمبوونا سهرۆك نێچیرڤان بارزانى و وهزیرێ بهرگریا توردیا دا كو بالیۆزێ توركیا ل ئیراقێ ژى ئاماده بوو، پهیوهندیێن ناڤبهرا توركیا ل گهل ئیراق و ههرێما كوردستانێ و هاریكاریێن ههڤپشكین ناڤهبهرا وان، رهوشا ئێمناهیا ئیراقێ و ههرێما كوردستانێ، دوماهى پێشهات و شهڕ و ئالۆزیێن ل رۆژههلاتا ناڤین و ئهگهر و دهرئهنجامێن وان هاتنه بهحسكرن، دیتن ژى د ڤى وارى دا پێك هاتنه گوهارتن.
ههر دو ئالیان دوپاتى ل گرنگریا هاریكاریا ههڤپشك یا توركیا ل گهل ئیراق و ههرێما كوردستانێ كر بۆ پارستنا ئارامى و سهقامگریێ ل ناوچێ و پارستنا ئاسایشا سنۆران، ههروهسا ههڤڕابوون ل سهر پێدڤى و بزاڤێن ههمه ئالى بۆ رێگریكرن ل بهرفرههبوونا ئالۆزیان ل رۆژههلاتا ناڤین و دهرئهنجامێن وێ.
داكۆكیكرین ل سهر هردهوامیدان ب پهیوهندیێن توركیا ل گهل ئیراق و ههرێما كوردستانێ لسهر بنهمایێ بهرژهوهندیێن ههڤپشك، جیرانیا باش، دوماهى پێشهاتین بهرهنگاربوونا تیرۆرێ و گهف و مهترسیا داعشێ ل ناوچێ و چهندین پرسێن گریدایى ههر دو ئالیان تهوهرێن دى یێن كۆمبوونێ بوون.