"ئیرانێ ب سەدان مۆشەکێن بالستی دانە رۆسیا"
02/22/2024 - 09:45
گاڤ
کۆمارا ئیسلامی یا ئیرانێ مۆشەکێن بالستی ددەتە رۆسیا و ئیران و رۆسیا تا نوکە دبەرهەڤ نینن ئاشکرا بکەن.
ئاژانسا رۆیتەرز راگەهاند: زانیاری ژ شەش ژێدەران هاتینە وەرگرتن کو کۆمارا ئیسلامی یا ئیرانێ مۆشەکێن بالستی ددەتە رۆسیا و سێ ژ وان ژێدەران دیار کریە کو پتری 400 مۆشەکێن بالستی یێن ئەرد-ئەرد ژ جۆرێن فاتح-10، زولفیقار و هندەک جۆرێن دی، د ناڤ وان مۆشەکان دانە.
ژێدەری هەروەسا دیار کریە: رێککەفتنا دانا وان مۆشەکان ب رۆسیا پار هاتیە کرن و ڤەگوهاستنا وان ل مەها کانوینا دویێ یا ئەڤسالە بدویماهی هاتیە.
رۆیتەرزێ پشتی وەرگرتنا ڤان زانیاریان، پەیوەندی ب وەزارەتا بەرگریا ئیرانێ و سوپایێ پاسدارێن وی وەلاتی کریە، لێ هەردو دبەرهەڤ نەبوون چ داخۆیانیان ل سەر بابەتی بدەن و هەروەسا وەزارەتا بەرگریا رۆسیا ژی چ کۆمێنت ل سەر بابەتی نەبووینە.