د هه‌یڤا بۆرى دا 10 ئه‌ردهه‌ژ دناڤ ئیراقێ دا رویداینه
بەلاڤ بکە
گاڤ
د هه‌یڤا شوباتێ یا بۆرى دا 40 ئه‌ردهه‌ژ ل ئیراقێ هاتینه تۆماركرن و ژ وان ژى 10 ئه‌ردهه‌ژ دناڤ ئاخا ئیراقێ دا بوون.
پشكا پیڤانا ئه‌ردهه‌ژان د ده‌سته‌یا گشتى یا سه‌قاناسى و پیڤانا ئه‌ردهه‌ژان یا ئیراقێ دا ئه‌ڤرۆ شه‌مبیێ راگه‌هاند؛ ژ سه‌رجه‌مێ 40 ئه‌ردهه‌ژێن د هه‌یڤا بۆرى دا ل ئیراقێ هاتینه تۆماركرن، سه‌نته‌رێ 10 ئه‌ردهه‌ژان دناڤ ئاخا ئیراقێ دا بوون، 20 ئه‌ردهه‌ژ ل توركیا و 10 ئه‌ردهه‌ژ دناڤ ئیرانێ دا بوون.
دیار ژى كریه؛ هێزێن وان ئه‌ردهه‌ژان دناڤبه‌را 2 بۆ 4.4 پله‌یان دا بوو و كویراتیا وان دناڤبه‌را 3 بۆ 27 كیلۆمه‌تران دا بوو.
ئاماژه ب وێ چه‌ندێ ژى كریه؛ د هه‌یڤا بۆرى دا، ئه‌ردهه‌ژه‌ك ل پارێزگه‌ها دهۆكێ، ئه‌ردهه‌ژه‌ك ل پارێزگه‌ها هه‌ولێرێ (سۆران)، 3 ئه‌ردهه‌ژ ل پارێزگه‌ها سلێمانیێ ، 4 ئه‌ردهه‌ژ ل پارێزگه‌ها نه‌ینه‌وا و ئه‌ردهه‌ژه‌ك ل كه‌ركووكێ رویدابوون.
