هندهك زانیارى ل دۆر مووچهیێ ڤان دو مههان
گاڤ
سهرۆكێ لژنهیا دارایى ل پهڕلهمانێ ئیراقێ راگههاند، فهرمانبهرێن ههرێمێ دێ مووچهیێ مهها بۆرى برێكا داتایان و یێ ڤێ مههێ رێكا بانكى وهرگرن.
بهرى چهند رۆژهكان دادگهها فیدرال حكومهتێن ئیراق و ههرێما كوردستانێ پێگیركرن مووچهیێن فهرمانبهرێن ههرێمێ ژى ل گهل یێن ئیراقێ بهێنه دان و پاشى وهزیرا دارایى ژى راگههاند، ئهو دێ بڕیارێ بجهـ ئینیت.
حكومهتا ههرێما كوردستانێ ژى دیاردكهت، ئهو دێ پێگیر بیت لێ ئهو نهشێن د دهما مهههكێ دا كارتا بانكى بۆ ههموو فهرمانبهران دروست بكهن.
عهتوان عهتوانى، سهرۆكێ لژنهیا دارایى ل پهڕلهمانێ ئیراقێ بۆ رۆنامهیا سهباح گۆت: پڕۆژهقانوونا راستڤهكرنا مووچهیى هێشتا ل دهف حكومهتا ئیراقێ یه و نهگههشتینه پهڕلهمانى و ئهڤ پرسه ژى د ستۆیێ دهستههلاتا بجهئینانێ دایه و ئهركێ لژنهیا دارایى ژى زانینا رێكا زێدهكرنا مووچهیانه د پڕۆژهیى دا.
عهتوان عهتوانى دیاركریه، ل گۆڕهیى دادگهها فیدرال حكومهتا ئیراقێ دێ مووچهیێ مهها 2 ل سهر بنهمایێ داتا و وا ئاماران هێته دان یێن حكومهتا ههرێمێ ئاراستهیى ئیراقێ دكهت، مووچهیێ مهها 3ێ ژى حكومهتا ههرێمێ دێ هێته پابهندكرن جێگیركرنا مووچهیێ فهرمانبهران ب رێكا بانكا نشتیمانى.
ل سهرانسهرى ئیراقێ دانا مووچهیان گیرۆدبیت و ئهڤه زێدهتر ژ شهش سالانه حكومهتا ئیراقێ كارى دكهت بۆ وێ یهكێ مووچهیێ فهرمانبهران ب رێكا بانكان بدهت، لێ هێشتا هندهك ماینه و نهبووینه سیستهمێ بانكى.