ههر ژنهكا ئیرانى یا سهركۆل دێ ب 3 ملیۆن تیمهنان هێته سزادان
ئیران سزایهكێ نوى بۆ ژنێن كهفیكێ نهكهنه سهرێ خۆ د دانیت و پهڕلهمانتارهكێ وى وهلاتى دا زانین، ل گۆرهى راستڤهكرنا رهشنڤیسا یاسایا سهرپۆش و پاكیزهیێ ههر ژنهكا كهفیكێ نهكهته سهرێ خۆ دێ ب 3 ملیۆن تیمهنان هێته سزادان.
د نها دا هژمارهكا مهزن یا ژنێن ئیرانى ب تایبهتى ل باژێرێن مهزن پێگریێ ب كرنا كهفیكێ ناكهن یان پێگیریهكا لاواز دكهن و گوهنادهنه گهف و گڤاشتنێن دهستههلاتێ و پۆلیسێن ئهخلاقى.
ئەمیر حسێن بانكی پور، ئەندامێ پەرلەمانێ ئێرانێ راگههاند، ل گۆرهى راستڤهكرنا یاسایا سهرپۆش و پاكیزهییێ، ههر ژنهكا كهفیكێ نهكهته سهرێ خۆ دێ ب 3 ملیۆن تیمهنان هێته سزادان و ژبهر هژمارا وێ یا بانكى هێنه بڕین.
ل گۆرهى گۆتنێن بانكى پۆر، ئهگهر پاره د هژمارا وان ژنان دا نهبیت یێن سهرپێچییا یاسایێ دكهن، دێ وهكو قهردار هێنه هژمارتن.
وى پهڕلهمانتارێ ئیرانێ دا زانین ژى، ئهڤ رهشنڤیسه د ماوهیێ چهند رۆژان دا دێ بۆ جڤاتا پاراستنا دهستوورى هێته هنارتن و پشتى نهورۆزێ دێ هێته بجهئینان.