وه‌زاره‌تا داریی یا ئیراقێ: بێى هژمارا بانكى مووچه‌یێ هه‌یڤا ئادارێ بۆ هه‌رێمێ ناهێته هنارتن
بەلاڤ بکە
وه‌زاره‌تا دارایی یا ئیراقێ دادگه‌ها فیدرال ئاگه‌هداركر، بێى هژمارا بانكى مووچه‌یێ ڤێ هه‌یڤێ ناهنێریت.
ل گۆره‌ى ئاژانسا نووچه‌یێن ئیراقێ (واع) وه‌زاره‌تا دارایی دادگه‌ها فیدرال ئاگه‌هدار كریه، وه‌زاره‌ت رازى بوویه مووچه‌یێ هه‌یڤا شوباتێ بۆ مووچه‌خۆرێن هه‌رێمێ بهنێریت ژبه‌ركو ده‌رخستنا هژمارا بانكى بۆ مووچه‌خۆرێن هه‌رێمێ پێدڤى ب ده‌مى یه.
ئه‌ڤرۆ وه‌زیرا دارایی یا ئیراقێ ئیمزا ل سه‌ر هنارتنا پشكه‌كا پاره‌یێ مووچه‌یێ فه‌رمانبه‌رێن هه‌رێما كوردستانێ كر، ل دویڤ زانیارییێن گاڤ، ئەڤرۆ 130 ملیار دینار بۆ مووچەیێ خانەنشینان و چاڤدێریا جڤاکی هاتنە هنارتن و تا سوبه‌هى هویربینى د لیستێن مووچه‌یان دێ تمام بیت و مووچه ب تمامى هێنه هنارتن.
لێ وه‌زاره‌تا دارایی یا ئیراقێ د ئاگه‌هدارییا خۆ دا دوپات دكه‌ت، بۆ هه‌یڤا ئادارێ پشتى تمامكرنا رێكارێن چێكرنا هژمارا بانكى دێ موچه‌یێ فه‌رمانبه‌رێن هه‌رێمێ هێته هنارتن.
