شیره‌تكارێ ئاسایشا نیشتیماتى یا ئیراقێ هوشداریێ ب تركیا دده‌ت ل دۆر ئۆپه‌راسیۆنا چاڤه‌ڕێكرى یا وى وه‌لاتى ل هه‌رێما كوردستانێ و گۆت: داگیركاریێن تركیا ناهێنه‌ قه‌بوولكرن.

دوهى رۆژنامه‌یا حورییه‌ت یا تركى به‌لاڤكر، تركیا ئاماده‌كاریێن هێرشه‌كا به‌رفره‌هـ  ل هه‌رێما كوردستانێ دژى پارتا كاركه‌رێن كوردستانێ په‌كه‌كێ دكه‌ت و وه‌زیرێ به‌رگریا وى وه‌لاتى ژى ل دۆر وێ ئۆپه‌راسیۆنا چاڤه‌رێكرى گۆت: به‌رى هاڤینا ئه‌ڤساله‌ دێ دویماهیێ ب په‌كه‌كێ ل ئیراقێ ئینن.

قاسم ئه‌عره‌جى، شیره‌تكارێ ئاسایشا نیشتیماتى یا ئیراقێ د دیداره‌كێ دا ل دۆر وێ ئۆپه‌رسیۆنا چاڤه‌رێكرى كو تركیا ب نیازه‌ ل هه‌رێما كوردستانێ دژى پارتا كاركه‌رێن كوردستانێ بكه‌ت، گۆت: داگیركاریێن سوپایێ تركیا بۆ سه‌ر ئاخا ئیراقێ ناهێنه‌ قه‌بوولكرن.

ئه‌عره‌جى گۆت ژى حكومه‌تا سه‌رۆكوه‌زیر سودانى رێكارێن پێدڤى ل سنورێن ئیراقێ و تركیا گرتینه‌ به‌ر، ژبه‌ر ڤێ ئێكێ داگیركاریێن تركیا چ به‌هانه‌ نینن و ناهێنه‌ قه‌بوولكرن.

ل گۆره‌ى شیره‌تكارێ ئاسایشا نیشتیماتى یا ئیراقێ، د نها دا وه‌لاتێ وى ب خۆ، شیانێن رورى ب روى بوونا مه‌ترسیێن سه‌ر سنوران هه‌نه‌، ژ به‌ر ڤێ ئێكێ ئه‌و رێكێ ب چ داگیركارییان ناده‌ن.