سهرۆك بارزانى بۆ بالیۆزا ئهمریكا: پارتى بایكۆتا ههلبژارتنان نهكریه بهلكو ل گهل ههلبژارتنهكا پاقژ و دووره ژ دهستوهردانێن دهرهكى
گاڤ
سهرۆك بارزانى ل گهل بالیۆزا ئهمریكا كۆمبوو و راگههاند، پارتى بایكۆتا ههلبژارتنان نهكریه بهلكو ل گهل ههلبژارتنهكا پاقژ و دووره ژ دهستوهردانێن دهرهكى.
ئهڤرۆ ل پیرمام سهرۆك مهسعوود بارزانى ل گهل ئهلینا رۆمانسكى، بالیۆزا ئهمریكا ل ئیراقێ كۆمبوو، سهرۆك بارزانى راگههاند، ههر ژ سالا 1991ێ پارتى دهستپێشخهرا ههلبژارتنان بوویه و ترس ژ ههلبژارتان نهبوویه بهلكو تێبینى ل سهر شێوازێ ههلبژارتنان ههبوویه.
سهرۆك بارزانى راگههاند، پارتى ههردهم ل گهله ههلبژارتن بهێنه كرن، بهلێ پارتى تێبینى ل سهر ههلبژارتنان و مهترسییا تێكدانا بنهمایێن پێكڤهژیانێ و نههێلانا پشكدارییا پێكهاتان د ژیانا سیاسى دا ههیه، سهرۆك بارزانى ئاشكراكر، ب بههانهیێن جودا جودا دو سالان ههلبژارتن هاتنه پاشخستن و دهستێن نامۆ و دهرهكى كهفتنه ناڤ و ب ڤێ یهكێ پێگههێ ههرێمێ كێمكرن.
سهرۆك مهسعوود بارزانى د كۆمبوونا ل گهل رۆمانسكى دا دازانین، ب شێوهیێن نهدهستوورى و نهقانوونى بڕیار و قانوونێن ههرێما كوردستانێ گوهۆڕینه و ستهمهكه مهزن ل پێكهات و تێكرایا خهلكێ كوردستانێ كریه.
ههر د كۆمبوونێ دا سهرۆك بارزانى دوپاتكر، پارتى بایكۆتا ههلبژارتنان نهكریه، بهلكو ل گهله ههلبژارتنهكا پاقژ و شهفاف و جهێ پشتراستیێ و دویر ژ دهستوهردانێن دهرهكى و بهرنامهیێ پێشوهخت كو تێدا دهنگدهر ژ مافێ خۆ یێ دهنگدانێ نههێنه بێبههركرن، بهێنه كرن و پرۆسهیا دیمۆكراسیێ نههێته بێ بهها كرن و قانوونێن ههرێمێ نههێنه بنپێكرن.
د درێژاهییا گۆتنێن خۆ دا سهرۆك بارزانى ئاماژه ب پهیوهندیێن ناڤبهرا ههولێر و بهغدایێ دا و دیاركر، رێككهفتنهكا رۆهن و ههمه ئالى ل گهل چارچۆڤێ ههماههنگیێ ل ژێر ناڤێ ئیئتیلافا دهولهتێ هاتییه كرن، ب لێبۆرین ڤه ئێك خال ژى ژ وان خالێن گرنگ یێن وێ رێككهفتنێ نههاتییه بجهئینان، رێككهفتن ژبۆ وێ یهكێ بوو سهقامگێرى بهێته بجهئینان و خهلك بگههیته خۆشیێ و بنهمایێن شهراكهت، تهوازن و تهوافق بهێنه بجهئینان، لێ چ ژڤان نههاتنه كرن.
سهرۆك بارزانى دوپاتكر، ب راوێژ و ههماههنگى دێ بهردهوم بین بۆ چارهكرنا كێشهیان و نههێلانا دلگرانییان.