نێچیرڤان بارزانى: داخوازێ ژ ئالیێ سیاسى دكهم ب گیانێ بهرپرسایهتییا نشتیمانى ناكۆكییان چاره بكهن
گاڤ
سهرۆكێ ههرێما كوردستانێ داخواز ژ ئالیێن سیاسى یێن ههرێمێ كر ب گیانێ بهپرسایهتییا نشتیمانى ناكۆكییان چاره بكهن و راگههاند، "ئهم ههموو د ئێك كهشتى داینه، ئهگهر ئێك رێز و ئێك ههلوهست باین نه د گههشتینه ڤێ رهوشێ."
سهرۆكێ ههرێما كوردستانێ پهیامهك ب ههلكهفتا سهرێ سالا نوى یا كوردى بهلاڤكر و ب گهرمى ل خێزان و كهسوكارێن سهربلندێن شههیدان ل ههر كورد و ههمى پێكهاتێن گهلێ كوردستانێ ل ههر جههكى پیرۆز كر و هیڤییا سالهكا نوى یا پڕى خۆشى و ساخلهمى و ئارامى و ئاسوودهیى و سهركهفتن بۆ ههمى ئاليیهكى خواست.
سهرۆك نێچیرڤان بارزانى د پهیاما خۆ دا داخواز ژ ئالیێن سیاسى كر ب گیانێ بهرپرسایهتییا نشتیمانى و لێكتێگههشتن ناكۆكیان چاره بكهن، دا بشێن پێكڤه بهرهنگارى گهف و ئاستهنگان ببین و فیدرال و قهواریێ سیاسى و ماف و دهستكهفتێن خۆ ب پارێزین و گۆت: ئهم ههمى پێكڤه د ئێك كهشتى داینه و ئهگهر ههڤههلوهست و ئێكریزباینه رهوش نهدگههشته ئهڤرۆ.
ههروهسا ئاشكراكر، گهلێ كوردستانێ چ جاران دهست ژ ئازادى و مافێن خۆ بهرنهدایه، دیرۆكێ سهلماندیه تا كو مافێن كورد و كوردستانێ بهێنه پشتگوهخستن، ئیراق خۆشى و سهقامگێریێ ب خۆڤه نابینیت، بلا ئهم ههموو د ئیراقێ دا ژ بزاڤان فێربین.
سهرۆك نێچیرڤان بارزانى دبێژیت: بجهنهئینانا دهستوورى و فیدرالیێ و رێككهفتنێن سیاسى و رادهستنهكرنا مافێن ههرێمێ و بزاڤا بچووككرنا ههرێما كوردستانێ و بنپێكرنا مافێن وێ یێن دهستوورى ژ بلى زیانێ چ مفایهكێ دى بۆ ئیراقێ نابیت.
ههروهسا نێچیرڤان بارزانى دوپاتى ل باوهرى و سیاسهتا نهگۆڕا ههرێما كوردستانێ كر كو ههرێما كوردستانێ وهك ههردهم ل ناوچێ فاكتهر] ئارامى و سهقامگێریێ بوویه و خوازیارا پهیوهندیێن باش و دۆستانهیه و جیرانهكا باشه ل سهر بنهمایێ رێز و بهرژهوهندیێن ههڤپشك، ههر دڤێ بوونێ دا پیرۆزباهى ل وان گهلان ژى كر یێن جهژنا نهورۆزێ دگێڕن.
د دوماهى پهیاما خۆ دا سهرۆك نێچیرڤان دیاردكهت، سوپاس بۆ تێگههشتن و گیانێ بهرپرسایهتى و خۆڕاگریا فهرمانبهران و خهلكێ كوردستانێ، ژ نێزیك ئاگههارى رهوشا ژین و ژیارا وانم، چارهكرنا ڤێ رهوشێ كارێ پێشیێ یێ ههموویانه ل ههموو سازیێن ههرێما كوردستانێ و پشتراستم ئهڤ رهوشا سهخت دێ دهرباز بیت و ب ئۆمێد دێ بهرهف ژیان و پاشهرۆژهكا گهشتر پێنگاڤان هاڤێژین و ههردهم كوردستان ب وهلاتێ پێكڤهژیان و لێبۆرینێ دێ مینیت.